ខេត្តបន្ទាយមានជ័យ ៖ ជនជាតិចិនជាច្រើននាក់ដោយសារតែដើរហើមិនយកឯកសារជាប់ខ្លួននៅក្រុងប៉ោយប៉ែតត្រូវនគរបាលអន្តោប្រវេសន៌ហៅសួរនាំ និងអប់រំដើម្បីការពារពេលមានបញ្ហាកើតឡើងជាយថាហេតុពិបាកស្គាល់អត្តសញ្ញាណ ។ ករណីនេះកើតឡើងនៅព្រឹកថ្ងៃទី24 ខែកក្កដា ឆ្នាំ2018 នៅប្លុកកាស៊ីណូមួយក្នុងក្រុងប៉ោយប៉ែត ។…
ខេត្តបន្ទាយមានជ័យ ៖ ជនជាតិចិនជាច្រើននាក់ដោយសារតែដើរហើមិនយកឯកសារជាប់ខ្លួននៅក្រុងប៉ោយប៉ែតត្រូវនគរបាលអន្តោប្រវេសន៌ហៅសួរនាំ និងអប់រំដើម្បីការពារពេលមានបញ្ហាកើតឡើងជាយថាហេតុពិបាកស្គាល់អត្តសញ្ញាណ ។ ករណីនេះកើតឡើងនៅព្រឹកថ្ងៃទី24 ខែកក្កដា ឆ្នាំ2018 នៅប្លុកកាស៊ីណូមួយក្នុងក្រុងប៉ោយប៉ែត ។
ប្រធានសេនាធិការនគរបាលអន្តោប្រវេសន៌ច្រកទ្វារអន្តរជាតិប៉ោយប៉ែតប្រាប់តាមទូរស័ព្ទថានេះមិនមែនជាលើកទី១ទេ គឺខាងលោកអនុវត្តន៍តាមជំនាញរបស់ថ្នាក់លើក៏ដូចជាដើម្បីការពារសណ្តាប់ធ្នាប់សន្តិសុខផងដែរ ។
លោកបន្តថា ករណីនេះសមត្ថកិច្ចគ្រាន់តែត្រួតពិនិត្យនិងអប់រំឲ្យជនជាតិទាំងនេះទៅណាមកណាត្រូវយកឯកសារផ្សេងៗដែលបញ្ជាក់ពីអត្តសញ្ញាណដាក់ជាប់ខ្លួនចៀសវៀងពេលមានបញ្ហាណាមួយកើតឡើងសមត្ថកិច្ចងាយស្រួលព្រោះអាចស្គាល់អត្តសញ្ញាណ ។
គួរបញ្ជាក់ថា ការហៅជនជាតិចិនសួរនាំរកអត្តសញ្ញាណលើកនេះហាក់មានចំនួនច្រើនខុសពីពេលមុនៗហើយថែមទាំងមានរថយន្តសារ៉ែននាំមុខទៀតផង ។ យ៉ាងណាក៏ដោយបញ្ហានេះត្រូវបានលោកប្រធានសេនាធិការខាងលើអះអាងថា ជនជាតិចិនដែលហៅអប់រំមានប្រហែល50ទៅ60នាក់តែប៉ុណ្ណោះហើយថាក្រោយអប់រំបានឲ្យជនជាតិចិនទាំងនេះត្រឡប់ទៅវិញហើយ ៕
ចែករំលែកព័តមាននេះ