ខេត្តកំពង់ឆ្នាំង ៖ ដោយសារតែសាលាវិទ្យាល័យនៅឆ្ងាយនឹងត្រូវឆ្លងទន្លេ២កន្លែងផងនោះ លោកគ្រូ អ្នកគ្រូ ប្រជាពលរដ្ឋក៏ដូចជា សិស្សានុសិស្សនៅអនុវិទ្យាល័យខ្លាក្រហឹម និងអនុវិទ្យាល័យវត្តអំពិលទឹក ស្ថិតក្នុងឃុំអំពិលទឹក ស្រុកកំពង់ត្រឡាចបានអំពាវនាវដល់រាជរដ្ឋាភិបាលថ្មី…
ខេត្តកំពង់ឆ្នាំង ៖ ដោយសារតែសាលាវិទ្យាល័យនៅឆ្ងាយនឹងត្រូវឆ្លងទន្លេ២កន្លែងផងនោះ លោកគ្រូ អ្នកគ្រូ ប្រជាពលរដ្ឋក៏ដូចជា សិស្សានុសិស្សនៅអនុវិទ្យាល័យខ្លាក្រហឹម និងអនុវិទ្យាល័យវត្តអំពិលទឹក ស្ថិតក្នុងឃុំអំពិលទឹក ស្រុកកំពង់ត្រឡាចបានអំពាវនាវដល់រាជរដ្ឋាភិបាលថ្មី ក្រោយពីបោះឆ្នោតនេះ សូមជួយកសាង សាលាវិទ្យាល័យមួយកន្លែង នៅក្នុងឃុំអំពិលទឹកនេះ ដើម្បីសម្រួលការសិក្សារបស់សិក្សានុសិស្សដែលបានប្រឡងជាប់ចូលវិទ្យាល័យមិនលំបាកទៅរៀននៅសាលាឆ្ងាយ ។
លោក កែវ សាវឿន នាយកសាលាអនុវិទ្យាល័យវត្តអំពិលទឹកបានមានប្រសាសន៍ថា បច្ចុប្បន្ននេះនៅក្នុងឃុំអំពិលទឹកនេះ មានអនុវិទ្យាល័យចំនួនពីរកន្លែង គឺអនុវិទ្យាល័យវត្តអំពិលទឹក និងអនុវិទ្យាល័យខ្លាគ្រហឹម ។ ប៉ុន្តែសិស្សរៀននៅទីនេះបានត្រឹមថ្នាក់ទី៩ទេ ពេលឡើងថ្នាក់ទី១០ត្រូវចូលវិទ្យាល័យ គឺត្រូវទៅរៀននៅឯវិទ្យាល័យកំពង់ត្រឡាច ឬវិទ្យាល័យសម្តេចព្រះបានទនរោត្តម សីហមុនី នៅសាលាលេខ៥ ដែលត្រូវឆ្លងទន្លេ និងធ្វើដំណើរឆ្ងាយដោយហេតុនេះហើយ ក្នុងនាមលោកជានាយកសាលា ក៏ដូចជា ប្រជាពលរដ្ឋ សូមសំណូមពរដល់រាជរដ្ឋាភិបាលថ្មី សូមជួយកសាងវិទ្យាល័យមួយកន្លែងនៅទីនេះសម្រាប់សិស្សានុសិស្សដែលបានប្រឡងជាប់ថ្នាក់ទី១០ បានចូលរៀននៅទីនេះមិនលំបាកទៅរៀនដល់ស្រុកកំពង់ត្រឡាចដែលមានចម្ងាយរាប់សិបគីឡូម៉ែត្រនោះទេ ។
ជាមួយគ្នានេះសិស្សសាលាអនុវិទ្យាល័យខាងលើក៏បានសំណូមពរដល់រាជរដ្ឋាភិបាលសូមមេត្តាជួយកសាងវិទ្យាល័យមួយកន្លែង ដើម្បីឲ្យពួកគាត់ពេលប្រឡងជាប់ថ្នាក់ទី១០ មិនលំបាកទៅរៀននៅវិទ្យាល័យឆ្ងាយ និងលំបាកឆ្លងទន្លេ២-៣នោះឡើយ ។
បើតាមការបញ្ជាក់របស់លោក កែវ សាវឿន នាយកសាលាអនុវិទ្យាល័យវត្តអំពិលទឹកបានបញ្ជាក់ថា បច្ចុប្បន្នអនុវិទ្យាល័យវត្តអំពិលទឹកមានសិស្សសរុបចំនួន៤៧២នាក់ ស្រី២២២នាក់ ។ ចំណែកលោក ស្រី ភន នាយក សាលាអនុវិទ្យាល័យ ខ្លាគ្រហឹម បានប្រាប់ដែរថា នៅសាលាលោកមានសិស្សសរុបចំនួន២៧៣នាក់ ស្រី១៤០នាក់ ។ ជារៀងរាល់ឆ្នាំលំហូរសិស្សជាប់ថ្នាក់ទី៩ ត្រូវទៅរៀននៅសាលាវិទ្យាល័យទីរួមស្រុកកំពង់ត្រឡាចមានចំនួនច្រើន ហេតុនេះបើសិនជាមានសាលាវិទ្យាល័យក្នុងឃុំអំពិលទឹក១កន្លែង សិស្សពិតជាលែងជួបការលំបាកទៅរៀននៅសាលាឆ្ងាយទៀតហើយ ៕
ចែករំលែកព័តមាននេះ