ប្រទេសថៃ ៖ ក្នុងសន្និសីទសារព័ត៌មានមួយ កាលពីថ្ងៃទី១៨ កក្កដា ក្មេងប្រុសទាំង១២នាក់និងគ្រូបង្វឹកបាល់ទាត់ពួកគេ ដែលជួយសង្គ្រោះដោយប្រតិបត្តិការអន្តរជាតិដ៏ស្មុគ្រស្មាញមួយ ចេញពីរូងភ្នំថៃមួយ បានហៅការតាមរកពួកគេឃើញក្នុងរូងភ្នំ ក្រោយជាប់ក្នុងនោះដល់ទៅ៩ថ្ងៃ…
ប្រទេសថៃ ៖ ក្នុងសន្និសីទសារព័ត៌មានមួយ កាលពីថ្ងៃទី១៨ កក្កដា ក្មេងប្រុសទាំង១២នាក់និងគ្រូបង្វឹកបាល់ទាត់ពួកគេ ដែលជួយសង្គ្រោះដោយប្រតិបត្តិការអន្តរជាតិដ៏ស្មុគ្រស្មាញមួយ ចេញពីរូងភ្នំថៃមួយ បានហៅការតាមរកពួកគេឃើញក្នុងរូងភ្នំ ក្រោយជាប់ក្នុងនោះដល់ទៅ៩ថ្ងៃ ថាវាជារឿងដ៏អស្ចារ្យមួយ។
កុមារឈ្មោះADUL SAM ON អាយុ១៤ឆ្នាំជាកុមារដែលឆ្លើយជាភាសាអង់គ្លេសទៅកាន់ពួកអ្នកមុជទឹកអង់គ្លេស ដែលតាមរកពួកគេឃើញ ក្រោយជាប់ក្នុងរូង៩ថ្ងៃ និយាយថាយើងបានឭុសំឡេងមនុស្ស ខួរក្បាលខ្ញុំពុំដើរល្អឡើយ ក្រោយជាប់ក្នុងរូងដាច់បាយច្រើនថ្ងៃ។ គេថាជារឿងអស្ចារ្យដែលពួកគេត្រូវបានសង្គ្រោះ។
ចំណែកកុមារPORNCHAI KHAMLUANអាយុ១៥ឆ្នាំរៀបរាប់ថា ពួកយើងគ្មានអ្វីហូបឡើយដោយផឹកតែទឹកភ្លៀងរយៈពេល៩ថ្ងៃហើយនាំគ្នាបួងសួងបន់ស្រន់។យើងផឹកទឹកដែលហូរកាត់ថ្ម។ រីឯលោកEKKAPOL CHANTAWONG គ្រូបង្វឹកបាល់ទាត់អាយុ២៥ឆ្នាំ ជាមនុស្សពេញវ័យតែម្នាក់គត់ ក្នុងក្រុមនេះនិយាយថាដើម្បីឲ្យយើងបានរួចខ្លួន យើងបានសាកល្បងកកាយរកច្រកចេញ ដោយគិតថាពុំអាចរង់ចាំអាជ្ញាធរមកជួយឡើយ ប៉ុន្តែពុំបានផល។គ្រូបង្វឹករូបនេះជាមនុស្សរស់នៅក្នុងវត្តច្រើនឆ្នាំ។
ក្រុមបាល់់ទាត់កុមារក្រុមជ្រូកព្រៃនេះ ជាប់ក្នុងរូូងភ្នំទឹកជន់លិចចាប់ពីថ្ងៃទី២៣មិថុនា មកហើយមួយចំនួនស្ថិតនៅក្នុងរូងរហូតដល់ថ្ងៃទី១០កក្កដាទើបនាំចេញមកបាន ។ ពេលអ្នកកាសែតសួរពួកគេថា «ហេតុអីនាំគ្នាចូលក្នុងរូងភ្នំ? តើចង់ទៅធ្វើខួបកំណើតឱ្យ PHEERAPHAT ដែលមានអាយុគម្រប់១៦ឆ្នាំនាថ្ងៃនោះប្ញុ?» ។ ពួកកុមារទាំងនេះបានអះអាងថា «ទេ គ្រាន់ជាជាការដើរលេងធម្មតា ជុំមិត្តរួមក្រុមប៉ុណ្ណោះ ។ ប៉ុន្តែភ្លៀងបានធ្លាក់ខ្លាំងមកភ្លាមៗ ហើយទឹកបានឡើងខ្ពស់យ៉ាងឆាប់បំផុតបង្ខំឲ្យពួកយើងចូលកាន់តែជ្រៅក្នុងរូងភ្នំ» ។
គ្រូបង្វឹកនិយាយថា យើងពុំមានស្បៀងបន្តិចណាឡើយជាប់ខ្លួន។យើងផឹកតែទឹកដែលហូរកាត់ថ្ម ។ទឹកបន្តឡើងបង្វំឲ្យពួកយើងលូនចេញបន្តរហូតដល់ហួសពីតំបន់ដែលគេស្គាល់ថាឈ្មោះ PATTAYA BEACH.។ពួកយើងមានតែនាំគ្នាមកស្ថិតលើផ្ទាំងថ្ម ដែលខ្ពស់ហួសពីទឹក រង់ចាំពួកអ្នកសង្គ្រោះទៅជួយហើយនាំគ្នាបួងសួង។ពួកយើងបោះបង់ចោលកង់និងថង់ស្ពាយកីឡានៅមុខរូង ដែលនោះជាតម្រុយដល់ពួកអ្នករុករកនិងឪពុកម្ដាយពួកគេចាប់អារម្មណ៍ថាពួកគពិតជាជាប់ក្នុងរូងភ្នំ។
ក្មេងប្រុសឈ្មោះMONGKOL BOOMPIEM អាយុ១៣ឆ្នាំរៀបរាប់ថា ខ្ញុំពិតជាភ័យខ្លាចខ្លាំងណាស់ថាពុំអាចត្រឡប់មកផ្ទះវិញបាន។មួយថ្ងៃទៅមួយថ្ងៃចេះតែកន្លងផុតទៅ ក្នុងរូងភ្នំពិតជាត្រជាក់ហើយសើម សម្រាប់ពួកគេដែលមានតែខោអាវកីឡាមួយសម្រាប់ម្នាក់ជាប់ខ្លួន។ពួកគេនៅអែបជាប់ៗគ្នាដើម្បីឲ្យមានកម្ដៅ។ក្រោយថ្ងៃទី៩នៃសុបិនអាក្រក់ ទីបំផុតពួកគេស្ដាប់ឮុសំឡេងមនុស្ស និឃើញភ្លើងពិលចាំងពីផ្ទៃទឹកលាយភក់ ហើយក៏បានជួបពួកអ្នកសង្គ្រោះ។
ក្រោយចេញពីពេទ្យជួបបណ្ដាអ្នកកាសែត ក្រុមក្មេងនេះពាក់អាវយឺតមានរូបជ្រូកព្រៃជាសញ្ញាឈ្មោះក្រុមរបស់ពួកគេ រួចពួកគេបានទាត់បាល់ក្នុងបន្ទប់សារព័ត៌មាន។ពួកគេក៏រៀបរាប់ដែរថា បានមើលការប្រកួតបាល់ទាត់ពិភពលោកវគ្កផ្ដាច់ព្រ័ត្រ កាលពីយប់ថ្ងៃទី១៥កក្កដាក្នុងមន្ទីរពេទ្យ រួចពួកគេច្រើននាក់អះអាងថា ចង់ក្លាយជាអ្នកទាត់បាល់អាជីព។
អ្នកនាំពាក្យរដ្ឋាភិបាលថៃលោកSUNSERN KAEWKUMNERD និយាយថា ជាមួយសន្និសីទសារព័ត៌មាននោះ ហើយបន្ទាប់មកពួកគេវិលទៅរកជីវភាពធម្មតាវិញ ពួកគេនឹងគ្មានការរំខានដោយបណ្ដាសារព័ត៌មានទៀតឡើយ។អ្នកទាំងនេះចេញពីមន្ទីរពេទ្យមួយថ្ងៃមុនការកំណត់ពីដំបួង គ្រាន់តែដំបូងត្រូវពាក់វ៉ែនតាការពារពន្លឺព្រះអាទិត្យដើម្បីឲ្យបានស៊ាំព្រោះពួកគេជាប់ក្នុងរូងភ្នំពុំមានពន្លឺរយៈពេលដល់ជាង២សប្ដាហ៍ ។កុមារទាំងនេះក៏អះអាងដែរថា ពួកគេពេលនេះចេះហែលទឹកអស់ហើយ ។
ចែករំលែកព័តមាននេះ