សហរដ្ឋអាមេរិក និងរុស្ស៊ី ៖ នៅទីក្រុងហែលស៊ីនគី ប្រទេសហ្វាំងឡង់ ពេលជួបគ្នាទីនោះប្រធានាធិបតីអាមេរិក លោកដូណាល់ ត្រាំ ទទួលកាដូដ៏ពិសេសមួយពីប្រធានាធិតីរុស្ស៊ី លោកវ្ល៉ាឌីមៀរ…
សហរដ្ឋអាមេរិក និងរុស្ស៊ី ៖ នៅទីក្រុងហែលស៊ីនគី ប្រទេសហ្វាំងឡង់ ពេលជួបគ្នាទីនោះប្រធានាធិបតីអាមេរិក លោកដូណាល់ ត្រាំ ទទួលកាដូដ៏ពិសេសមួយពីប្រធានាធិតីរុស្ស៊ី លោកវ្ល៉ាឌីមៀរ ពូទីន គឺបាល់មួយមានពណ៌តំណាងបាល់ទាត់ពិភពលោក។
នៅក្នុងសន្និសីទសារព័ត៌មានរួមមួយនាទីក្រុងហែលស៊ិនគី នាថ្ងៃទី១៦ ខែកក្កដា ឆ្នាំ២០១៨ លោកត្រាំទទួលកាដូនោះពីលោកពូទីន ហើយបើតាមការមើលទៅលោកហាក់ពេញចិត្ត ដោយសារលោកសម្លឹងមើលវាប្រមាណជា១៩វិនាទី។
ជាកិត្តិយសដល់ជោគជ័យនៃការប្រកួតបាល់ទាត់ពិភពលោក នៅប្រទេសរុស្ស៊ី ដែលទើបបញ្ចប់នាពេលមុននេះបន្តិច ប្រធានាធិបតីរុស្ស៊ី បានជូនដល់សមភាគីអាមេរិកនូវបាល់ទាត់មួយ មានពណ៌បាល់ទាត់ពិភពលោក។
លោកពូទីន បានថ្លែងថា លោកប្រធានាធិបតីខ្ញុំជូនបាល់ដល់លោក រួចពេលនេះបាល់ស្ថិតលើក្រុមលោកហើយ។ លើសពីនេះទៀតសហរដ្ឋអាមេរិកនឹងធ្វើម្ចាស់ផ្ទះការប្រកួតបាល់ទាត់ពិភពលោក នាឆ្នាំ២០២៦។
លោកត្រាំប្រាកដណាស់បានថ្លែងអំណអរគុណ ដោយកាន់កាដួនោះមើល១៩វិនាទី។ ហើយលោកសន្យាថា បាល់មួយនេះលោកនឹងយកទៅឲ្យកូនប្រុសបារ៉ុងរបស់លោក។ មិនត្រឹមតែប៉ុណ្ណោះ លោកត្រាំបានបោះបាល់មួយនោះទៅឲ្យភរិយារបស់លោក គឺលោកស្រី មីឡានីញ៉ា ដែលបានអង្គុយនៅជួរទីមួយ៕
ចែករំលែកព័តមាននេះ