ខេត្តកណ្តាល ៖ ក្រុមចោរប្លន់ប្រដាប់ដោយដុំថ្ម យ៉ាងសកម្មប្រចាំស្រុកស្អាង ធ្វើសកម្មភាពប្លន់ ជិត១០លើក សម្រេចបាន០៥លើកនោះ ត្រូវនគរបាលស្រុកស្អាង ដឹកនាំដោយលោក វរៈសេនីយ៍ឯក…
ខេត្តកណ្តាល ៖ ក្រុមចោរប្លន់ប្រដាប់ដោយដុំថ្ម យ៉ាងសកម្មប្រចាំស្រុកស្អាង ធ្វើសកម្មភាពប្លន់ ជិត១០លើក សម្រេចបាន០៥លើកនោះ ត្រូវនគរបាលស្រុកស្អាង ដឹកនាំដោយលោក វរៈសេនីយ៍ឯក សេង សុជាតិ អធិការនគរបាល បានបន្ដសហការជាមួយកម្លាំង នគរបាលអធិការដ្ឋានក្រុងតាខ្មៅ និងកម្លាំងការិយាល័យព្រហ្មទណ្ឌកម្រិតស្រាល នៃស្នងកានគរបាលខេត្តកណ្ដាល បំបែកបានទាំងអស់ ជាបន្តបន្ទាប់។ ហេតុការណ៍នេះបានកើតឡើងកាលពីថ្ងៃសៅរ៍ ២កើត ខែទុតិយាសាឍ ឆ្នាំច សំរិទ្ធិស័ក ព.ស២៥៦២ ត្រូវនឹថ្ងៃទី១៤ ខែកក្កដា ឆ្នាំ២០១៨ វេលាម៉ោង១២ និង៣៦នាទីរំលងអាធ្រាត្រ នៅចំនុចភូមិព្រែកត្រែង ឃុំសិត្បូ ស្រុកស្អាង ខេត្តកណ្ដាល។
លោកវរសេនីយ៍ឯក សេង សុជាតិ អធិការស្រុកស្អាងបានប្រាប់ឲ្យដឹងថា ជនរងគ្រោះឈ្មោះ ខ្វែក សុភ័ក្ដ្រ ភេទប្រុស អាយុ៣០ឆ្នាំ ជនជាតិខ្មែរ មុខរបរជាងកាត់ដេរ សព្វថ្ងៃស្នាក់នៅផ្ទះជួលភូមិព្រែកត្រែង ឃុំសិត្បូ ស្រុកស្អាង ខេត្តកណ្តាល។ ជនសង្ស័យចំនួន០៧នាក់ ១.ឈ្មោះ រិន វ៉ាន់ឌី ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ បច្ចុប្បន្ននៅផ្ទះជួល ភូមិលេខ១ក ឃុំស្វាយរលំ ស្រុកស្អង ខេត្តកណ្ដាល ទី០២.ឈ្មោះ ខៀវ គីមឡុង ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិត មានទីលំនៅភូមិព្រែកសំរោង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។
ទី០៣.ឈ្មោះ លីម គីមទ្រី ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត មានទីលំនៅភូមិក្រពើហាលិច សង្កាត់ព្រែកឫស្សី ក្រុងតាខ្មៅ ខេត្តកណ្ដាល ទី០៤.ឈ្មោះ បូរី គឹមហំ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត មានទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល ទី០៥.ឈ្មោះ រស្មី វិសាល ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិត មានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ទី០៦.ឈ្មោះ រឿន ដារ៉ុង ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត មានទីលំនៅភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល (គេចខ្លួន) និងទី០៧.ឈ្មោះ ពន្លឺ ហៅតឿ ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិត មានទីលំនៅក្រុងតាខ្មៅ ខេត្តកណ្ដាល(គេចខ្លួន)។
វត្ថុតាងចាប់យកបានរួមមាន ម៉ូតូចំនួន០២គ្រឿង ១.ម៉ាក HONDA C-125 ផលិតឆ្នាំ2009 ឡើងតែម2015 ពណ៌ខ្មៅ ពាក់ស្លាកលេខ ស្វាយរៀង1A-8303 ជារបស់ជនសង្ស័យជិះធ្វើសកម្មភាព។ ២.ម៉ាក HONDA C-125 ផលិតឆ្នាំ2015 ជារបស់ជនសង្ស័យធ្វើសកម្មភាព ៣.ទូរសព្ទ័ដៃ០១គ្រឿង ម៉ាកណូគាចុចពិល ជារបស់ឈ្មោះ ខៀវ គីមឡុង លោកអធិការបញ្ជាក់ថា នៅថ្ងៃទីខែឆ្នាំ វេលាកើតហេតុខាងលើ ជនរងគ្រោះជិះម៉ូតូម៉ាក HONDA C-125 ស៊េរីឆ្នាំ២០១៨ មកដល់ភូមិកោះគរ ឃុំរកាខ្ពស់ ត្រូវបានជួបក្រុមជនសង្សយ័ខាងលើ (ជិះម៉ូតូ៣គ្រឿង) ធ្វើសកម្មភាពដេញវាយជនរងគ្រោះរហូតមកដល់ភូមិព្រែកត្រែង ឃុំសិត្បូក៏ដួលម៉ូតូ។ ភ្លាមនោះជនរងគ្រោះស្រែកថាចោរៗទើបមានប្រជាពលរដ្ឋចេញមកជួយ រំពេចនោះជនសង្ស័យបានឡើងជិះម៉ូតូគេចខ្លួនដោយបន្សល់ ទុកម៉ូតូចំនួន០១គ្រឿងនៅកន្លែង កើតហេតុជារបស់ជនសង្ស័យ(វ៉ាន់ឌី)។
ក្រោយពេលទទួលបានព័ត៌មានខាងលើ កម្លាំងប៉ុស្តិ៍សិត្បូ សហការណ៍ជាមួយកម្លាំងផ្នែកព្រហ្មទណ្ឌស្រុកស្អាង ដឹកនាំផ្ទាល់ដោយលោកវរៈសេនីយ៍ឯក សេង សុជាតិ អធិការ បានធ្វើការស្រាវជ្រាវរហូតកំណត់បានមុខសញ្ញា ឈ្មោះ រិន វ៉ាន់ឌី បានសារភាពពីបក្ខពួករបស់ខ្លួន។ ដោយមានការសម្របសម្រួលពីលោក លាវ ស្រេង ព្រះរាជអាជ្ញាអម សាលាដំបូងខេត្តកណ្ដាល កម្លាំងនគរបាលស្រុកស្អាងបានបន្ដសហការជាមួយកនម្លាំងនគរបាល អធិការដ្ឋានក្រុងតាខ្មៅ និងកម្លាំងការិយាលយ័ព្រហ្មទណ្ឌកម្រិតស្រាលនៃស្នងការនគរបាល ខេត្តកណ្ដាល។
បានធ្វើការឃាត់ខ្លួនមុខសញ្ញាចំនួន០៣នាក់ទៀតមាន ១.ឈ្មោះ លីម គីទ្រី ភេទប្រុស អាយុ១៧ឆ្នាំ ២.ឈ្មោះ ខៀវ គីមឡុង ភេទប្រុស អាយុ១៨ឆ្នាំ ៣.ឈ្មោះ បូរី គឹមហំ ភេទប្រុស អាយុ១៨ ឆ្នាំ ជនសង្សយ័ទាំង០៤ បានសារភាពថា៖ ពួកខ្លួនពិតជាបានដេញវ៉ៃប្លន់យកម៉ូតូកាលពី ថ្ងៃទី១៤ កក្កដា ២០១៨ វេលាម៉ោង១២ និង៣៦នាទី រំលងអាធ្រាត្រ នៅចំនុចភូមិព្រែកត្រែង ឃុំសិត្បូ ប្រាកដមែន។ ហើយកន្លងមកក្នុងខែ៤ ខែ៦ និងខែ៧ឆ្នាំ២០១៨ នៅចន្លោះម៉ោង១១យប់ និងម៉ោង០១រំលងអាធ្រាត្រ ក្រុមរបស់ខ្លួនទាំង០៧នាក់ ធ្លាប់ធ្វើសកម្មភាពវ៉ៃ គប់ដុំថ្មប្លន់យកម៉ូតូចំនួន០៧លើក ក្នុងនោះមិនបានសម្រេច ចំនួន០២លើក និងបានសម្រេចចំនួន០៥លើក គឺបានម៉ូតូចំនួន០៥គ្រឿង (ZOOMER ០២គ្រឿង,ស្កូពី០១គ្រឿង,HONDA.C-125.០២គ្រឿង)។
រួចយកទៅលក់ឲ្យមនុស្សប្រុសម្នាក់មិនស្គាល់ឈ្មោះ នៅតាមផ្លូវម្ដុំបឹងត្របែកភ្នំពេញ។ ដោយធ្វើសកម្មភាពនៅចំណុច លើផ្លូវជាតិលេខ២១ ស្រុកស្អាង ចំនួន០៦លើក និងនៅគល់ស្ពានព្រែកសំរោងត្រើយខាងកើតទន្លេបាសាក់បានសម្រេច ចំនួន០១លើក។ ចំពោះជនសង្សយ័ទាំង០៤នាក់ខាងលើកម្លាំងជំនាញអធិការដ្ឋាននគរបាលស្រុកស្អាងកំពុងកសាងប្រមូលផ្ដុំសំណុំរឿងដើម្បីចាត់ការតាមនីតិវិធី៕
ចែករំលែកព័តមាននេះ