រាជធានីភ្នំពេញ ៖ តារាចម្រៀងផលិតកម្មសាន់ដេលោកខាន់ ជេមស៍ តាមរយៈហ្វេសប៊ុករបស់ខ្លួនបានឆាតទៅខ្ចីលុយគេពីម្នាក់ទៅម្នាក់ ក្នុងនោះក៏មានអ្នកសិល្បៈដូចគ្នាផងដែរ។ វាធ្វើឲ្យមានការងឿងឆ្ងល់ជាខ្លាំងចំពោះការធ្លាក់ខ្លួន រហូតកាត់ខ្មាសខ្ចីលុយគេរបស់លោកខាន់ ជែមស៍ ។…
រាជធានីភ្នំពេញ ៖ តារាចម្រៀងផលិតកម្មសាន់ដេលោកខាន់ ជេមស៍ តាមរយៈហ្វេសប៊ុករបស់ខ្លួនបានឆាតទៅខ្ចីលុយគេពីម្នាក់ទៅម្នាក់ ក្នុងនោះក៏មានអ្នកសិល្បៈដូចគ្នាផងដែរ។ វាធ្វើឲ្យមានការងឿងឆ្ងល់ជាខ្លាំងចំពោះការធ្លាក់ខ្លួន រហូតកាត់ខ្មាសខ្ចីលុយគេរបស់លោកខាន់ ជែមស៍ ។
តារាចម្រៀងលោកខាន់ ជេមស៍ បានសម្តែងការភ្ញាក់ផ្អើលចំពោះអ្វីដែលបានកើតឡើងកាលពីពេល ថ្មីៗកន្លងមកនោះ ព្រោះលោកមិនបានឆាតទៅខ្ចីលុយគេទេ ។ ដូច្នេះហើយលោកបានស្រាយបំភ្លឺ ភ្លាមៗ បន្ទាប់ពីរឿងរ៉ាវមួយនេះត្រូវបានទម្លាយដោយតារាចម្រៀងរួមផលិតកម្ម ។ លោកខាន់ ជេមស៍ បានស្នើសុំឲ្យមិត្តភក្តិ និងទស្សនិកជនកុំភាន់ច្រឡំ ព្រោះហ្វេសប៊ុករបស់លោកត្រូវគេលួចយកប្រើដោយមិនដឹងខ្លួន ។
លោកខាត់ ជេមស៍ បានប្រកាសថា «ចាប់ពីថ្ងៃនេះតទៅ(១៥កក្កដា២០១៨) គឺខ្ញុំបាទឈប់ប្រើ Account Facebook ឈ្មោះ «ខាន់ មករា »នេះទៀតហើយ ពីព្រោះម្សិលមិញមានគេលួចយក Account Facebook ខាន់ ជេមស៍ របស់ខ្ញុំគឺគាត់បានលួចយកទៅប្រើទៀត ដូច្នេះបើមាន Account Facebook ឈ្មោះ ខាន់ មករា ឆាតទៅខ្ចីលុយ ឬនិយាយពាក់ព័ន្ធរឿងនយោបាយ ឬក៏និយាយអ្វីផ្ដេសផ្ដាសខ្ញុំបាទមិនទទួសខុសត្រូវឡើយ ។
គណនេយ្យហ្វេសប៊ុករបស់ខ្ញុំដែលគេបានលួចនោះក៏បានឆាតទៅនារីៗមួយចំនួនដោយប្រើប្រាស់នូវពាក្យអសុរោះជាច្រើនផងដែរ ។ ហេតុនេះសូមកុំមានការយល់ច្រឡំ ដ្បិតរូបខ្ញុំមិនបានដឹងរឿងអ្វីទាំងអស់»។
រំលងបានប៉ុន្មានថ្ងៃ គណនេយ្យដែលគេលួចយកនោះ ត្រូវតារាចម្រៀងលោកខាន់ ជេមស៍ ទាញយកមកវិញបាន និងការការពារខ្លាំងជាងមុន ៕
ចែករំលែកព័តមាននេះ