មានការព្យាករថា ប្រសិនបើប្រទេសនៅលើពិភពលោកមិនប្រតិបត្តិតាមកិច្ចព្រមព្រៀងកាត់បន្ថយអាកាសធាតុក្ដៅនៅលើផែនដីឲ្យបាន២អង្សាសេទេ នឹងឈានទៅរកការកើនឡើងកម្រិតនីវ៉ូទឹកសមុទ្រ និងផ្ដល់ផលប៉ះពាល់ដល់សេដ្ឋកិច្ចដ៏អាក្រក់ ខណៈពេលអ្នកសមុទ្រសាស្ត្រជាតិរបស់អង់គ្លេសបញ្ជាក់ថា កម្រិតទឹកសមុទ្រនឹងឡើងខ្ពស់អាចធ្វើឲ្យពិភពលោកបាត់បង់យ៉ាងមហាសាល ។
អ្នកស្រាវជ្រាវបានប៉ាន់ប្រមាណពីផលប៉ះពាល់ពីកំណើននីវ៉ូទឹកសមុទ្រ ឬហៅថា«Dynamic Interactive Vulnerability Assessment» ថាប្រទេសដែលមានចំណូលមធ្យមនៅអាសុី អាចប្រឈមមុខនឹងទឹកជំនន់ ខណៈពេលប្រទេសដែលមានចំណូលខ្ពស់នឹងជួបលើបញ្ហានេះតិចតួច ព្រោះមានមូលដ្ឋានការពារដ៏រឹងមាំ ។ ប្រសិនបើស្ថានភាពកម្តៅផែនដីមិនថយចុះនឹងបង្កឲ្យពិភពលោកមានការចំណាយខ្ពស់ដល់ទៅ១៤.០០០.០០០លានដុល្លារនៅក្នុងឆ្នាំ២១០០ ។
សំខាន់ជាងនេះនៅពេលកម្រិតនីវ៉ូទឹកសមុទ្រឡើងខ្ពស់នឹងប៉ះពាល់ដល់សេដ្ឋកិច្ចរបស់ប្រទេសកំពុងអភិវឌ្ឃន៍តាមតំបន់ឆ្នេរ រួមទាំងជីវភាពរស់នៅរបស់ពលរដ្ឋនៅក្បែរមាត់សមុទ្រ ។ ចំណែកប្រទេសមានលក្ខណៈជាកោះ តូចៗមានផ្ទៃដីក្នុងជម្រាលទាបនឹងមានហានិភ័យប៉ះពាល់យ៉ាងខ្លាំងពីសម្ពាធធនធានធម្មជាតិ និងបរិស្ថានធ្ងន់ទ្វេរ
ដង ៕
ចែករំលែកព័តមាននេះ