ខេត្តកំពត ៖ សេចក្តីរាយការណ៍បឋមបានឱ្យដឹងថា កាលពីវេលាម៉ោង០៧ និង៣០នាទីព្រឹក ថ្ងៃទី១៥ កក្កដា កម្លាំងសមត្ថកិច្ចនគរបាលស្រុកកំពង់ត្រាចខេត្តកំពត មានការចុះឃាត់ខ្លួនស្ត្រីម្នាក់ ដែលជាប់ពាក់ព័ន្ធករណីធ្វើចរាចរប្រាក់ដុល្លារក្លែងក្លាយ…
ខេត្តកំពត ៖ សេចក្តីរាយការណ៍បឋមបានឱ្យដឹងថា កាលពីវេលាម៉ោង០៧ និង៣០នាទីព្រឹក ថ្ងៃទី១៥ កក្កដា កម្លាំងសមត្ថកិច្ចនគរបាលស្រុកកំពង់ត្រាចខេត្តកំពត មានការចុះឃាត់ខ្លួនស្ត្រីម្នាក់ ដែលជាប់ពាក់ព័ន្ធករណីធ្វើចរាចរប្រាក់ដុល្លារក្លែងក្លាយ ស្ថិតនៅក្នុងកាស៊ីណូមួយកន្លែង ក្នុងភូមិថ្កូវ ឃុឫស្សី ស្រុកកំពង់ត្រាច ខេត្តកំពត ។
សេចក្តីរាយការណ៍បន្តថា ស្ត្រីសង្ស័យខាងលើ ឈ្មោះ ហុង សុម៉ាលី អាយុ៤៥ឆ្នាំ មានទីលំនៅក្នុងភូមិសត្វពង ឃុំសត្វពង ស្រុកឈូក ខេត្តកំពត ។
បើតាមសមត្ថកិច្ចបានឲ្យដឹងថា ស្ត្រីសង្ស័យបានយកក្រដាសប្រាក់ដុល្លារក្លែងក្លាយចំនួន៥០០ដុល្លារអាមេ
រិក (ប្រភេទក្រដាស១០០) ចំនួន៥សន្លឹកទៅដូរ ហើយលេងល្បែងក្នុងកាស៊ីណូនោះ ។ ពេលនោះ ក៏ត្រូវបានសន្តិសុខ សហការជាមួយសមត្ថកិច្ច ទើបមានការឃាត់ខ្លួន និងបានកសាងសំណុំរឿងតាមនីតិវិធី ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ