ខេត្តបន្ទាយមានជ័យ ៖ តូបលក់ដូរ១ខ្នង និងអីវ៉ាន់ នៅក្នុងនោះព្រមទាំងលុយ៥លានរៀល បានក្លាយជាចំណីភ្លើង កាលពីវេលាម៉ោង៧និង៣០នាទីយប់ថ្ងៃទី១២ ខែកក្កដា នៅផ្សារហ៊ុយឡេង ស្ថិតក្នុងភូមិគោ…
ខេត្តបន្ទាយមានជ័យ ៖ តូបលក់ដូរ១ខ្នង និងអីវ៉ាន់ នៅក្នុងនោះព្រមទាំងលុយ៥លានរៀល បានក្លាយជាចំណីភ្លើង កាលពីវេលាម៉ោង៧និង៣០នាទីយប់ថ្ងៃទី១២ ខែកក្កដា នៅផ្សារហ៊ុយឡេង ស្ថិតក្នុងភូមិគោ
រដ្ឋាន សង្កាត់អូរអំបិល ក្រុងសិរីសោភ័ណ ខណៈម្ចាស់ដាក់ចង្ក្រានហ្កាសចំហុយពងត្រី ក្បែរដបសាំង ។
នៅពេលមានអគ្គិភ័យកើតឡើងនេះ លោកឧត្តមសេនីយ៍ត្រី សិទ្ធិ ឡោះ ស្នងការរងនគរបាលខេត្ត បាននាំយករថយន្តពន្លត់អគ្គិភ័យចំនួន២គ្រឿង និងលោក ហ៊ឹល រ៉ាយ៉ា អភិបាលក្រុងសិរីសោភ័ណ និងលោកវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណបានដឹកនាំកងកម្លាំងចុះអន្តរាគមន៍ជួយពន្លត់ និងមានការភ្ញាក់ផ្អើលពេញផ្សារផងដែរ ។
លោកស្នងការរង សិទ្ធិ ឡោះ ថ្លែងថា តូបដែលត្រូវភ្លើងឆេះនេះ មានម្ចាស់ឈ្មោះ យ៉ែមវិចិត្រ ហៅជាតិ អាយុ៤៨ឆ្នាំ ប្រពន្ធឈ្មោះ ឡាន់ សុភា អាយុ៤៤ឆ្នាំ ។ តាមម្ចាស់តូបនិយាយថា ការឆេះនេះមកពីគាត់ដាក់ចង្ក្រានហ្កាសចំហុយពងត្រីក្បែរដបសាំងដែលដាក់លក់ ទើបបណ្តាលឱ្យឆេះរាលដាលពេញតូប ហើយគាត់បានស្រែកឱ្យអ្នកជិតខាងជួយពន្លត់ដែរ តែភ្លើងបានឆេះពេញតូបទៅហើយ ។
ភ្លាមៗនោះ រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន២គ្រឿង និងមានកម្លាំងនគរបាលនិងកងរាជអាវុធហត្ថជួយអន្តរាគមន៍ដែរ តែមិនអាចទប់ស្កាត់បានទោះបីជាបែបណា បានទប់ស្កាត់មិនឲ្យរាលដាលឆេះតូបផ្សេងៗទៀត ៕
ចែករំលែកព័តមាននេះ