ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ទន្ទឹមកើតមានករណីលួចកាច់សោ.កម៉ូតូអស់២គ្រឿងបានដោយសុវត្ថិភាពទាំងព្រលឹមក្នុងស្រុកមោងប្ញស្សី ស្រាប់តែនៅស្រុកបាណន់ឯណោះវិញ ចោរក៏បានធ្វើសកម្មភាពកាច់សោ.កម៉ូតូបានសម្រេច១គ្រឿងទៀត កាលពីវេលាម៉ោង០៤ និង៤០នាទីរសៀលថ្ងៃទី១៣ កក្កដា ស្ថិតនៅចំណុចមុខសាលាបឋមសិក្សាអន្លង់តាមី…
ខេត្តបាត់ដំបង ៖ សេចក្តីរាយការណ៍បឋមឱ្យដឹងថា ទន្ទឹមកើតមានករណីលួចកាច់សោ.កម៉ូតូអស់២គ្រឿងបានដោយសុវត្ថិភាពទាំងព្រលឹមក្នុងស្រុកមោងប្ញស្សី ស្រាប់តែនៅស្រុកបាណន់ឯណោះវិញ ចោរក៏បានធ្វើសកម្មភាពកាច់សោ.កម៉ូតូបានសម្រេច១គ្រឿងទៀត កាលពីវេលាម៉ោង០៤ និង៤០នាទីរសៀលថ្ងៃទី១៣ កក្កដា ស្ថិតនៅចំណុចមុខសាលាបឋមសិក្សាអន្លង់តាមី ក្នុងភូមិអន្លង់តាមី ឃុំឈើទាល ស្រុកបាណន់ ។
សេចក្តីរាយការណ៍បន្តថា ម្ចាស់ម៉ូតូឈ្មោះកង យ៉ែម ភេទប្រុស អាយុ៨៣ឆ្នាំ រស់នៅភូមិស្វាយប្រគាប
ឃុំឈើទាល ស្រុកបាណន់ ។ រីឯម៉ូតូម៉ាកហុងដាC១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខបប
1V-4793 ដោយគាត់ឈប់ម៉ូតូចុះទិញបារី មិនបានដកសោចេញ ក៏ត្រូវចោរធ្វើសកម្មភាពកាច់យកបាន ជិះគេចបាត់ដោយសុវត្ថិភាព ។
មានការកត់សម្គាល់ថា ករណីកាច់សោ.កម៉ូតូនេះ បានកើតឡើងផ្ទូនៗគ្នា២លើកទាំងព្រលឹមអុល នៅឯស្រុកមោងប្ញស្សី ស្រាប់តែកើតឡើងជាលើកទី៣នៅរសៀលថ្ងៃដដែលក្នុងស្រុកបាណន់ ។ ដូចជាខ្លាំងដៃពេកហើយលោកចោរ… មិនអាសូរទ្រូងសមត្ថកិច្ចអីបន្តិចសោះ…! ដូច្នេះ សូមប្រជាពលរដ្ឋ គួរតែមានការប្រុងប្រយ័ត្នខ្លួនឯងខ្លះផង ព្រោះសមត្ថកិច្ចមិនអាចមើលសព្វទេ…!
ចែករំលែកព័តមាននេះ