ខេត្តស្វាយរៀង ៖ សេចក្តីរាយការណ៍បឋមឱ្យដឹងថា កាលពីវេលាម៉ោង៣ និង៣០នាទីរសៀលថ្ងៃទី១៣ កក្កដា មានអំពើប៉ុនប៉ងឃាតកម្មមួយ កើតឡើងនៅចំណុចផ្ទះ២០០ខ្នង ក្នុងភូមិជីកដី ឃុំអណ្ដូងត្របែក…
ខេត្តស្វាយរៀង ៖ សេចក្តីរាយការណ៍បឋមឱ្យដឹងថា កាលពីវេលាម៉ោង៣ និង៣០នាទីរសៀលថ្ងៃទី១៣ កក្កដា មានអំពើប៉ុនប៉ងឃាតកម្មមួយ កើតឡើងនៅចំណុចផ្ទះ២០០ខ្នង ក្នុងភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង រវាងជនពិការនិងជនពិការកាប់ចាក់គ្នា រឿងកាន់ជើងគណបក្ស និងចាក់សំឡេងឃោសនាបក្សរបស់ខ្លួន ។
សេចក្តីរាយការណ៍បន្តថា ជនបង្កមានឈ្មោះសុវណ្ណ ចាន់សាវ៉ាត ភេទប្រុស អាយុ៦១ឆ្នាំ ជាយោធិនពិការ
(កំបុតដៃម្ខាង) និងជាសមាជិកគណបក្សសម្ព័ន ដើម្បីប្រជាធិបតេយ្យ មានទីលំនៅក្នុងភូមិត្បែង ឃំុគោកព្រីង ស្រុកស្វាយជ្រំុ បច្ចុប្បន្ន ស្នាក់នៅផ្ទះ200ខ្នង ក្នុងភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង ។ រីឯខាងជនរងគ្រោះឈ្មោះ ឡុង ជី ភេទប្រុស អាយុ៦០ឆ្នាំ ជាយោធិនពិការដែរ (កំបុតជើងម្ខាង) មានទីលំនៅភូមិពោធិរស់ ឃំុបាសាក់ ស្រុកស្វាយជ្រំ បច្ចុប្បន្ន ស្នាក់នៅផ្ទះ២០០ខ្នង ស្ថិតក្នុងភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង របួសត្រង់ក្បាលជាទម្ងន់ ។
តាមសាក្សីរៀបរាប់ប្រាប់សមត្ថកិច្ចថា នៅវេលាម៉ោងខាងលើ ជនសង្ស័យឈ្មោះសុវណ្ណ ចាន់សាវ៉ាត បានប្រើប្រាស់មេក្រូឆាងម៉ាងចាក់សំឡេងឮខ្លាំងៗនៅផ្ទះក្នុងការឃោសនារកសម្លេងឆ្នោតឱ្យគណបក្សនយោបាយរបស់ខ្លួន ។ ពេលនោះ ជនរងគ្រោះឈ្មោះ ឡុង ជី បានទៅហាមឃាត់មិនឱ្យចាក់ឮសម្លេងខ្លាំងៗពេក ទេ ព្រោះជាការរំខាន និងថ្លង់ដល់គេឯង ។
ខណៈជនរងគ្រោះទៅប្រាប់ ស្រាប់តែជនសង្ស័យ (ជាជនពិការដូចគ្នា) បានប្រើសម្តីមិនសមរម្យទៅលើ
ជនរងគ្រោះ ពេលនោះ ក៏កើតជាជម្លោះតឹងសសៃ.កដាក់គ្នា ទើបជនសង្ស័យស្ទុះទៅទាញបានទ្រនង់សំពងក្បាលជនរងគ្រោះ បណ្តាលឱ្យរងរបួសជាទម្ងន់ ហើយត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែក ស្រុករមាសហែក ។ ចំណែកជនដៃដល់ ក៏ត្រូវបានសមត្ថកិច្ចកិច្ចចាប់ខ្លួន នាំទៅកាន់អធិការដ្ឋាននគរបាលស្រុកផងដែរ ។
ចែករំលែកព័តមាននេះ