ទីបំផុត… ឡានតម្លៃ៤ម៉ឺន២ពាន់ដុល្លារ យកមកប្រគល់ជូនគាត់ទាំង២ហើយ
- កំពង់ចាម
ខេត្តត្បូងឃ្មុំ ៖ ក្រុមហ៊ុនតែ OISHI បានយករង្វាន់ធំទី១ គឺរថយន្តម៉ាក FORD RANGER XLT ដែលមានតំលៃ៤២.០០០ដុល្លារ…
ខេត្តត្បូងឃ្មុំ ៖ ក្រុមហ៊ុនតែ OISHI បានយករង្វាន់ធំទី១ គឺរថយន្តម៉ាក FORD RANGER XLT ដែលមានតំលៃ៤២.០០០ដុល្លារ…
ខេត្តត្បូងឃ្មុំ ៖ ក្រុមហ៊ុនតែ OISHI បានយករង្វាន់ធំទី១ គឺរថយន្តម៉ាក FORD RANGER XLT ដែលមានតំលៃ៤២.០០០ដុល្លារ មកប្រគល់ជូនអ្នកឈ្នះ ដោយបានធ្វើឡើង កាលពីរសៀលថ្ងៃទី១១ កក្កដា នៅតូបលក់ភេសជ្ជៈមុខផ្សារមេមត់ ស្រុកមេមត់ ។ ការប្រគល់រង្វាន់នេះ គេឃើញមានសាក្សី និងសមត្ថកិច្ច ព្រមទាំងអាជីវករលក់ដូរជាច្រើន បានចូលរួមដឹងឮផងដែរ ។ អ្វីដែលកត់សម្គាល់នោះ គឺអ្នកឈ្នះរង្វាន់ធំនេះ ខុសពីគេឯង ដោយសារតែការដឹងឮកន្លងមក អ្នកឈ្នះមានតែម្នាក់ ប៉ុន្តែសម្រាប់អ្នកឈ្នះនេះ គឺមានគ្នាដល់ទៅ២នាក់ ។
លោក សែន កាណាន់ ហៅតាន់ អាយុ២៦ឆ្នាំ ដែលពិការជើងម្ខាងបានប្រាប់ឱ្យដឹងថា ចាប់តាំងពីត្រូវរង្វាន់ធំតែOISHI ត្រូវរថយន្ត១គ្រឿងមក រូបគេដេកមិនលក់នោះទេ ដោយមានអារម្មណ៍ចេះតែទន្ទឹងរង់ចាំ ។ ស្របពេលមកដល់រសៀលថ្ងៃខាងលើ ពេលដែលក្រុមហ៊ុនបានដឹករថយន្តថ្មីសន្លាង មកដល់មុខផ្សារស្រុកមេមត់ ធ្វើឱ្យរូបគេញ័រជើង ដោយក្តីសប្បាយរីករាយ ។ គេមានផែនការថា លុយដែលបានពីការលក់រថយន្តបែងចែក២នាក់នេះ នឹងយកទៅសាងសង់ផ្ទះឱ្យម្តាយ នៅបានសមរម្យនៅខេត្តតាកែវ ។ ចំពោះការងារនៅហាងខារ៉ាអូខេវិមានទ្រព្យ នៅភូមិម៉ាស៊ីនទឹក ឃុំមេមត់ ស្រុកមេមត់ គេនឹងលាឈប់ ហើយវិលត្រឡប់ទៅស្រុកកំណើតវិញ ដោយបានបើករបររកស៊ីតូចល្មម ហើយអះអាងថា ថ្ងៃណាមួយនឹងរៀបការប្រពន្ធ ។
ចំណែកឈ្មោះ ហែម និមល អាយុ២៥ឆ្នាំ បានរំលឹកថា កាលពីយប់ថ្ងៃទី២៦ ឧសភា កន្លងទៅរូបគេនឹងមិត្តភក្តិឈ្មោះ តាន់ បានទៅទិញតែOISHI នៅមុខផ្សារស្រុកមេមត់ចំនួន២ដប មកផឹកម្នាក់មួយដប ។ ពេលដែលឈ្មោះ តាន់ បានមួលគំរបដបផឹក ស្រាប់តែត្រូវរង្វាន់រថយន្ត១គ្រឿង ពួកគេពិតជាមានក្តីសប្បាយរីករាយ ហើយសន្យាចែកគ្នាពាក់កណ្តាលម្នាក់ ។
និមលប្រាប់បន្តថា លុះព្រឹកឡើងពួកគេបានយកគំរបដបនោះទៅផ្ញើទុក ។ ក្រោយមកពិតជាមានរឿងរ៉ាវខ្លះបានកើតឡើង ក្នុងការទាមទារចំណែករង្វាន់នេះឈានដល់សមត្ថកិច្ចធ្វើការដោះស្រាយ ។ ពួកគេបានសុខចិត្តព្រមទទួលយកដំណោះស្រាយឈ្នះឈ្នះ គឺព្រមទទួលយក៥០ភាគរយម្នាក់កាលពីថ្ងៃទី១៤ មិថុនា ២០១៨កន្លងទៅ មិនមែនចង់ស៊ីដាច់ម្នាក់ឯងទេ ។
ការទន្ទឹងរង់ចាំរង្វាន់ធំរបស់តែ OISHI ដែលមានតំលៃជាង៤ម៉ឺនដុល្លារ ត្រូវបានលោក យ៉ុង យុទិត្យា ជំនួយការគ្រប់គ្រងទូទៅផ្នែកទីផ្សារ របស់ក្រុមហ៊ុនរួមនឹងសហការីជាច្រើននាក់បាននាំយកមកប្រគល់ជូនដល់ពួកគេទាំង២នាក់ ។
ពិតជាមានក្តីរំភើបសប្បាយរីករាយដោយបានលើកឡើងថា ពួកគេនឹងលក់រថយន្តនេះ ដើម្បីយកលុយទៅពង្រីកមុខរបររៀងៗខ្លួន ដោយម្ខាងបានបើកហាងអ៊ុតសក់តូចល្មម ហើយលុយនៅសល់ នឹងពង្រីករបរលក់ដូរគ្រឿងទេសដើម្បីដោះស្រាយជីវភាពគ្រួសារ ។ ក្រោយការទទួលបានរថយន្តជារង្វាន់ភ័ព្វព្រេងសំណាងដូចការតាំងចិត្តរបស់ពួកគេមែន គឺលក់យកប្រាក់ចែកគ្នា ។ តាមប្រភពព័ត៌មានថា រថយន្តនោះត្រូវបានអ្នករស់នៅក្នុងខេត្តកំពង់ចាម បានទិញក្នុងតំលៃ៣.៣៥០០ដុល្លារ ៕
ចែករំលែកព័តមាននេះ