សម្តេចម៉ែ និងព្រះមហាក្សត្រព្រះរាជទានថវិកា១លានដុល្លារដល់មន្ទីពេទ្យគន្ធបុប្ផា
- ភ្នំពេញ
រាជធានីភ្នំពេញ ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិ ខ្មែរ ក្នុងសេរីភាព សេចក្តីថ្លៃថ្នូរ…
រាជធានីភ្នំពេញ ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិ ខ្មែរ ក្នុងសេរីភាព សេចក្តីថ្លៃថ្នូរ…
រាជធានីភ្នំពេញ ៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិ ខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សម្តេចម៉ែ និងព្រះករុណជាអង្គម្ចាស់ជីវិតលើត្បូងព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាបានព្រះប្រទានថវិកា១លានដុល្លារដល់មន្ទីរពេទ្យគន្ធបុផ្ផា ដើម្បីបន្តកិច្ចការមនុស្សធម៏ក្នុង ការជួយព្យាបាលកុមារកម្ពុជា ។ នេះបើយោងតាមបណ្តាញសង្គមហ្វេសប៊ុកមានឈ្មោះថា «ព្រះករុណាព្រះបាទសម្តច ព្រះបរមនាថ នរោត្តម សីហមុនី» ចេញផ្សាយនៅថ្ងៃទី១១ ខែកក្កដា ឆ្នាំ២០១៨ ។
ប្រភពបានសរសេរថា កាលនាវេលាព្រឹកថ្ងៃទី១០ ខែកក្កដា ឆ្នាំ២០១៨ ព្រះករុណាជាអង្គម្ចាស់ជីវិតលើត្បូងព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គទាំងទ្វេសព្វព្រះរាជហឫទ័យព្រះបរមរាជានុញ្ញាតអោយលោកអនុប្រធានមន្ទីរពេទ្យគន្ធបុប្ផាចូលក្រាបបង្គំគាល់ និង ទទួលតង្វាយជាព្រះរាជទ្រព្យ ។
ឆ្លៀតក្នុងឱកាសនោះផងដែល ព្រះករុណាជាអង្គម្ចាស់ជីវិតលើត្បូងសព្វព្រះរាជហឫទ័យប្រោសព្រះរាជទានព្រះរាជទ្រព្យចំនួន 500,000 ដុល្លារ (ប្រាំរយពាន់ដុល្លារអាមេរិច) និងសម្តេចព្រះមហាក្សត្រី ព្រះវររាជមាតាជាតិខ្មែរចំនួន 500,000 ដុល្លារ (ប្រាំរយពាន់ដុល្លារអាមេរិច) សរុប១,០០០,០០០ ដុល្លារ ជាព្រះរាជឧបត្ថម្ភជូនដល់មន្ទីរពេទ្យគន្ធបុប្ផាដើម្បីបន្តកិច្ចការមនុស្សធម៌ជួយព្យាបាលកុមារកម្ពុជា ៕
ចែករំលែកព័តមាននេះ