ទីភ្នាក់ងារបរទេសកាលពីពេលថ្មីៗកន្លងមកផ្សាយថា មានគ្រោះថ្នាក់ចរាចរណ៍មួយនៅក្រុងកាឡេតុនវិល (Carletonville) ភាគខាងជើងប្រទេសអាហ្វ្រិកខាងត្បូង បង្កឲ្យមានអ្នករបួស និងស្លាប់ជាច្រើននាក់ក្នុងនោះមានស្ត្រីម្នាក់សុំមិនបង្ហាញឈ្មោះ ដោយក្រុមគ្រូពេទ្យបានបញ្ជាក់ថានាងស្លាប់បាត់បង់ជីវិត រួចយកទៅរក្សាទុកក្នុងបន្ទប់ទុកសពមួយនៅក្នុងទីក្រុង ។
ស្របពេលជាមួយគ្នានោះបុគ្គលិកនៅក្នុងបន្ទប់រក្សាទុកសពក៏ត្រួតពិនិត្យមើលទូរក្សាទុកសពនីមួយៗ នៅពេលគេទាញទូសពរបស់ស្ត្រីនេះចេញក៏ភា្ញក់ផ្អើលព្រោះនាងនៅរស់ ។
របាយការណ៍ពីBBCកាលពីថ្ងៃទី២ កក្កដាបានបញ្ជាក់ថាក្រោយពីឃើញនៅរស់ ត្រូវបានបញ្ជូនទៅមន្ទីរពេទ្យនៅក្រុងចូហាន់ណេស្បើក ។ បច្ចុប្បន្នកំពុងសម្រាកព្យាបាល និងបង្កើតភាពត្រេកអដល់ក្រុមគ្រួសាររបស់នាង គួបផ្សំនឹងការមិនពេញចិត្តលើការបំពេញការងាររបស់មន្ត្រី និងត្រូវការចម្លើយបន្ទាន់មួយ ។
ចំណែកលោក Gerrit Bradnick ប្រធានក្រុមហ៊ុន«Distress Alert» ដែលផ្ដល់សេវាកម្មរថយន្តសង្គ្រោះបន្ទាន់ថ្លែងថា មានអ្នករងរបួស និងស្លាប់ជាច្រើននាក់ពីឧប្បត្តិហេតុដែលកើតឡើង ។
នៅកន្លែងកើតហេតុមានស្ត្រីម្នាក់ប្រទះឃើញថាគ្មានដង្ហើមទើបប្រកាសថាស្លាប់ បច្ចុប្បន្នប៉ូលិសកំពុងធ្វើការសុើបអង្កេតពីរឿងនេះ ។ លក្ខណៈដូចគ្នានេះមិនមែនជាលើកដំបូងទេ កាលពីខែមករា កន្លងមកក៏មានអ្នកទោសម្នាក់នៅក្នុងគុកអេស្ប៉ាញ ត្រូវប្រកាសថាបានស្លាប់ ប៉ុន្តែក្នុងពេលបញ្ជូនសពទៅធ្វើកោសល្យវិច្ច័យ អាជ្ញាធរក៏ភ្ញាក់ផ្អើល ព្រោះគេនៅមានដង្ហើម ៕
ចែករំលែកព័តមាននេះ