ស្ងាត់ៗ Man City ឆ្មក់បានតារាឆ្នើម Leicester មួយរូបបាត់
អំឡុងទីផ្សារដោះដូរកីឡាករបើកទ្វារ ក្លិប Man City ក៏ឆ្មក់បានកីឡាករ Riyad Mahrez ពីក្លិបនៅប្រឺមីញេលីគដូចគ្នា Leicester ក្នុងតម្លៃ…
អំឡុងទីផ្សារដោះដូរកីឡាករបើកទ្វារ ក្លិប Man City ក៏ឆ្មក់បានកីឡាករ Riyad Mahrez ពីក្លិបនៅប្រឺមីញេលីគដូចគ្នា Leicester ក្នុងតម្លៃ…
អំឡុងទីផ្សារដោះដូរកីឡាករបើកទ្វារ ក្លិប Man City ក៏ឆ្មក់បានកីឡាករ Riyad Mahrez ពីក្លិបនៅប្រឺមីញេលីគដូចគ្នា Leicester ក្នុងតម្លៃ ៦០លានផោន (ជិត៨០លានដុល្លារ) ។ នេះយោងតាមកាចេញផ្សាយរបស់គេទំព័រអង់គ្លេស Express ។
ខ្សែបម្រើវ័យ២៧ឆ្នាំខាងលើ បានចុះកុងត្រារួមរស់ជាមួយក្លិបមេឃខៀវ រយៈពេល៥ឆ្នាំ ហើយក៏ជាកីឡាករចំណូលថ្មីដំបូងគេរបស់ Man City ផងដែរ ចាប់តាំងពីពួកគេឈ្នះពានប្រឺមីញេលីគរដូវកាលមុនមក ។
បច្ចុប្បន្ន Man City មានខ្សែបម្រើនិងប្រយុទ្ធឆ្នើមជាច្រើនរូបដូចជា Sergio Aguero, Leroy Sane, Raheem Sterling, Kevin De Bruyne និង David Silva ខណៈពេលនេះថែម Mahrez ម្នាក់ទៀត ធ្វើឱ្យគ្រូបង្វឹក Guardiola រឹតតែពិបាកសម្រេចចិត្ត ថានឹងដាក់រូបគេនៅតំបន់ណា ។
Mahrez និយាយទាំងរំភើបថា «ខ្ញុំសង្ឃឹមថា ពួកយើងនឹងអាចទទួលបានជោគជ័យនារដូវកាលបន្តបន្ទាប់ទៀត ហើយខ្ញុំជឿជាក់ថាសមត្ថភាពខ្ញុំនៅ Man City នឹងកាន់តែរីកចម្រើនក្រោមការដឹកនាំរបស់គ្រូបង្វឹកដ៏ពូកែ Guardiola» ៕
ចែករំលែកព័តមាននេះ