កោះតៃវ៉ាន់ ៖ មនុស្សជាង២០០០នាក់ត្រូវបានជម្លៀសចេញនៅតៃវ៉ាន់ ខណៈព្យុះទីហ្វុងMARIA បោកបក់ជិតដល់។ ព្យុះនោះនឹងនាំឲ្យមានភ្លៀងធ្លាក់ខ្លាំងលើកោះតៃវ៉ាន់ ដែលនៅទីនោះជើងហោះហើរនៃយន្តហោះច្រើនរយជើងត្រូវលុបចោលហើយបណ្ដាសាលារៀនបិទទ្វារ។
ខាងផ្នែកឧតុនិយមតៃវ៉ាន់គូសបញ្ជាក់ថា ព្យុះ MARIA ពេលនះស្ថិតនៅចម្ងាយ២០០គីឡូម៉ែត្រខាងកើតទីក្រុងឆ្នេរសមុទ្រយីឡាន ជាមួយល្បឿនខ្យល់ដល់១៧៣គីឡូម៉ែត្រក្នុងមួយម៉ោង នាវេលាម៉ោង២២ម៉ោងក្នុងស្រុកថ្ងៃទី១០ កក្កដា។ ព្យុះនេះវាយប្រហារលើកោះតៃវ៉ាន់ចាប់ ពីយប់ថ្ងៃទី១០ កក្កដា ដល់ព្រឹកថ្ងៃទី១១ កក្កដា ជាមួយភ្លៀងធ្លាក់ខ្លាំងដល់កម្រិត៥០០មីល្លីម៉ែត្រក្នុងតំបន់មួយចំនួន។
បណ្ដាទូរទស្សន៍ក្នុងស្រុក បង្ហាញរូបភាព កងទាហានដើរពីផ្ទះមួយទៅផ្ទះមួយទៀតក្នុងតំបន់ភ្នំ ដើម្បីជួយពលរដ្ឋក្នុងការចាកចេញពីទីនោះ។ យោងតាមអាជ្ញាធរថា មនុស្សជាង២០០០នាក់ត្រូវបានជម្លៀសចេញ។
នាយករដ្ឋមន្ត្រីតៃវ៉ាន់លោក WILLIAM LAI អំពាវនាវដល់អាជ្ញាធរ និងប្រជាជន ឲ្យមានការប្រុងប្រយ័ត្ន នាឱកាសនៃព្យុះទីហ្វុងដំបូងគេនេះនៅតៃវ៉ាន់។ ជាការប្រុងប្រយ័ត្នបណ្ដាសាលារៀន និងការិយាល័យទាំងឡាយបានបិទទ្វារចាប់ពីរសៀលថទី១០ កក្កដាទៅ ក្នុងទីក្រុង៨ ក្នុងនោះមានទីក្រុងយីឡានដែរ ដែលនៅទីនោះរលកធំៗចាប់បោកលើច្រាំង។
ចំណែកនៅចិនដីគោកវិញ ក៏បានជម្លៀសប្រជាជនចេញដែរនាភាគខាងកើតប្រទេស ខណៈព្យុះ MARIA ជាព្យុះទី៨ ប្រចាំឆ្នាំជិតមកដល់។ នាវាទាំងឡាយអំពាវនាវឲ្យចូលច្រាំង និងផែ។ អាជ្ញាធរខេត្តហ្វូចៀនគូសបញ្ជាក់ថា ព្យុះMARIAអាចវាងភាគខាងជើងតៃវ៉ាន់មកកាន់ខេត្តហ្វូចៀន នាព្រឹកថ្ងៃទី១១ កក្កដា៕
ចែករំលែកព័តមាននេះ