«យើងនឹងធ្វើឱ្យបានល្អជាងនេះនៅ World Cup ២០២២» ។ នេះគឺជាសម្តីរបស់លោក Cherchesov គ្រូបង្វឹកក្រុមបាល់ទាត់ជម្រើសជាតិរុស្ស៊ីថ្លែងទៅកាន់អ្នកគាំទ្ររាប់លាននាក់ក្រោយពីក្រុមខ្លាឃ្មុំទឹកកករុស្សុីធ្លាក់នៅវគ្គ៨ក្រុមចុងក្រោយ ។ ប្រភពព័ត៌មានរដ្ឋរុស្ស៊ី…
«យើងនឹងធ្វើឱ្យបានល្អជាងនេះនៅ World Cup ២០២២» ។ នេះគឺជាសម្តីរបស់លោក
Cherchesov គ្រូបង្វឹកក្រុមបាល់ទាត់ជម្រើសជាតិរុស្ស៊ីថ្លែងទៅកាន់អ្នកគាំទ្ររាប់លាននាក់ក្រោយពីក្រុមខ្លាឃ្មុំទឹកកករុស្សុីធ្លាក់នៅវគ្គ៨ក្រុមចុងក្រោយ ។
ប្រភពព័ត៌មានរដ្ឋរុស្ស៊ី TASS ផ្សាយថា កីឡាករ គ្រូបង្វឹក និងបុគ្គលិកសហព័ន្ធទាំងអស់បានទៅជួបសំណេះសំណាលជាមួយអ្នកគាំទ្ររបស់គេនៅក្រុងម៉ូស្គូបន្ទាប់ពីក្រុមរុស្ស៊ីចាញ់ក្រោមថ្វីជើងក្រូអាស៊ីដោយគ្រាប់បាល់ប៉េណាល់ទី ៣-៤ ។
លោក Cherchesov វ័យ ៥៤ ឆ្នាំនិយាយថា «យើងគ្មានកីឡាករល្អតែយើងមានក្រុមល្អ ។ ជាក់ស្តែងក្រុមទាំងមូលធ្វើបានយ៉ាងល្អតាំងពីប្រកួតបើកឆាករហូតមកដល់ពេលនេះ ។ ទោះជាមិនបានឡើងទៅវគ្គបន្តតែយើងក៏មានមោទនភាពមួយចំពោះជំហានដ៏មានន័យ ។ ក្នុងមានខ្ញុំជាគ្រូបង្វឹកសូមសន្យាថា នៅ World Cup ២០២២ ប្រទេសកាតាយើងនឹងធ្វើឱ្យបានល្អជាងនេះ» ។
គួររំលឹកថា ក្រោយពីចាញ់ក្រុមក្រឡាអុកក្រូអាស៊ី ក្រុមខ្លាឃ្មុំទឹកកករុស្ស៊ីត្រូវបានលោកប្រធានាធិបតី វ៉ា្លឌីមៀរ ពូទីន អញ្ជើញជួបពិភាក្សារឿងលទ្ធផលគាប់ចិត្តទោះបីធ្លាក់ត្រឹមវគ្គ៨ក្រុមក្តី ៕
ចែករំលែកព័តមាននេះ