ក្លិបអ្នកមានបុណ្យ Barcelona បានបង្ហាញតម្រុយប្រគល់កីឡាករ Paulinho ទៅឱ្យក្លិបចិន Guangzhou Evergrande វិញ ក្រោមលក្ខខណ្ឌខ្ចីជើង១ឆ្នាំក្នុងតម្លៃខ្លួន៤៤,២លានផោនឬជាង៥០លានដុល្លារ ។…
ក្លិបអ្នកមានបុណ្យ Barcelona បានបង្ហាញតម្រុយប្រគល់កីឡាករ Paulinho ទៅឱ្យក្លិបចិន Guangzhou Evergrande វិញ ក្រោមលក្ខខណ្ឌខ្ចីជើង១ឆ្នាំក្នុងតម្លៃខ្លួន៤៤,២លានផោនឬជាង៥០លានដុល្លារ ។ ត្បិតតែជាប់លក្ខខណ្ឌខ្ចីជើងក៏ពិតមែនតែក្លិប Barcelona លើកឡើងទាំងគ្មានស្តាយស្រណោះថា ក្លិបចិនអាចទិញកីឡាករ Paulinho បាននៅពេលលក្ខខណ្ឌអស់សុពលភាព ។
ខ្សែបម្រើសញ្ជាតិប្រេស៊ីលរូបនេះពីមុនធ្លាប់លេងនៅក្លិប Guangzhou Evergrande ក្នុងក្របខ័ណ្ឌស៊ុបពើរលីគចិនបានពីរឆ្នាំ ២០១៥-២០១៧ ។ តែនៅថ្ងៃទី១៤ សីហា ២០១៧ ក្លិប Barcelona បានទិញរូបគេក្នុងតម្លៃខ្លួន៤០លានអឺរ៉ូ ។
បន្ទាប់ពីរស់នៅជាមួយ Barcelona អតីតកីឡាករក្លិបមាន់ខ្នាយមាស Tottenham កីឡាករ Paulinho រូបនេះរកបាន៩គ្រាប់ក្នុងការប្រកួតសរុប៤៩ លើកឱ្យក្លិបនៅរដូវកាល ២០១៧-២០១៨ ៕
ចែករំលែកព័តមាននេះ