មួយរយៈចុងក្រោយនេះ ខ្សែប្រយុទ្ធមកពីក្លិប Paris SG ដែលកំពុងលេងក្នុងក្រុមជម្រើសជាតិបារាំង កីឡាករ Kylian Mbappé បានបង្ហាញទម្រង់ប្រយុទ្ធយ៉ាងអស្ចារ្យក្នុងព្រឹត្តិការណ៍ World…
មួយរយៈចុងក្រោយនេះ ខ្សែប្រយុទ្ធមកពីក្លិប Paris SG ដែលកំពុងលេងក្នុងក្រុមជម្រើសជាតិបារាំង កីឡាករ Kylian Mbappé បានបង្ហាញទម្រង់ប្រយុទ្ធយ៉ាងអស្ចារ្យក្នុងព្រឹត្តិការណ៍ World Cup ធ្វើឱ្យខ្សែការពាររបស់បែលហ្ស៊ិកកីឡាករ Thomas Vermaelen ខ្លាចរអាពេលពួកគេប៉ះគ្នានារាត្រីនេះ ។
កីឡាករវ័យ៣២ឆ្នាំខាងលើសារភាពថា ដ្បិតមិត្តរួមក្រុមជម្រើសជាតិរបស់ខ្លួន សុទ្ធតែល្អៗច្រើនក្តី ប៉ុន្តែរូបលោកនៅតែញញើតនឹងខ្សែប្រយុទ្ធវ័យក្មេង Mbappé ដដែល ។
Vermaelen រៀបរាប់ប្រាប់ភ្នាក់ងារសារព័ត៌មានថា៖«សម្រាប់ខ្ញុំ Mbappé គឺជាកីឡាករឆ្នើមជាងគេមួយរូបនៅក្រុមបារាំង ។ គាត់ពិតជារត់បានលឿនណាស់ ហើយក៏ពូកែស៊ុតផងដែរ ។ ទោះជាយ៉ាងណា យើងនឹងប្រឹងប្រែងបិទ និងរារាំងរហូតដល់ទីបញ្ចប់ ។»
គួរបញ្ជាក់ថា កីឡាករ Mbappé ទើបតែរកបាន៣គ្រាប់នៅ World Cup រដូវកាលនេះប៉ុណ្ណោះ និងកំពុងខ្នះខ្នែងជ្រោមជ្រែងក្រុមជម្រើសជាតិបារាំងរហូតឡើងមកដល់វគ្គពាក់កណ្តាលផ្តាច់ព្រ័ត្រនេះជាលើកទី៦ក្នុងប្រវត្តិសាស្ត្រ ៕
ចែករំលែកព័តមាននេះ