រាជធានីភ្នំពេញ ៖ នៅវេលាម៉ោង៧ និង៣០នាទីយប់ ថ្ងៃទី៨ ខែកក្កដាឆ្នាំ២០១៨នេះ មានករណីគ្រោះអគ្គិភ័យមួយបានកើតឡើង បណ្ដាលឲ្យផ្ទះប្រជាពលរដ្ឋមួយខ្នងខូចខាតទាំងស្រុង។ តាមប្រភពបានឲ្យដឹងថា ផ្ទះដែលបានឆាបឆេះកាលពីវេលាខាងលើ…
រាជធានីភ្នំពេញ ៖ នៅវេលាម៉ោង៧ និង៣០នាទីយប់ ថ្ងៃទី៨ ខែកក្កដាឆ្នាំ២០១៨នេះ មានករណីគ្រោះអគ្គិភ័យមួយបានកើតឡើង បណ្ដាលឲ្យផ្ទះប្រជាពលរដ្ឋមួយខ្នងខូចខាតទាំងស្រុង។ តាមប្រភពបានឲ្យដឹងថា ផ្ទះដែលបានឆាបឆេះកាលពីវេលាខាងលើ គឺជាប្រភេទផ្ទះក្រោមថ្ម លើឈើ មានទំហំប្រមាណ ៤ម៉ែត្រ គុណនឹង៧ម៉ែត្រ។ ស្ថិតនៅភូមក្រាំងអង្ក្រងទី១ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ដើមហេតុដែលបណ្ដាលឲ្យមានករណីនេះកើតឡើង ដំបូងឡើយម្ចាស់ផ្ទះបានចាក់សោផ្ទះចោល ហើយនាំគ្នាទៅធ្វើការរៀងៗខ្លួន លុះដល់វេលាកើតហេតុ អ្នកជិតខាងបានឃើញផ្សែងហុយៗពីកន្លែងកើតហេតុ មួយសន្ទុះក្រោយមកក៏មានអណ្ដាតភ្លើង ឆេះឡើងសន្ធោសន្ធៅ ទើបនាំគ្នាដងទឹកមកជះពន្លត់។ ហើយបានទាក់ទងទៅខាងភ្នាក់ងាររថយន្ត ពន្លត់អគ្គិភ័យឲ្យជួយធ្វើការបាញ់ពន្លត់ តែទម្រាំរថយន្តពន្លត់អគ្គិភ័យមកដល់ ផ្ទះត្រូវបានឆេះអស់ទាំងស្រុងបាត់ទៅហើយ។
តាមការសន្និដ្ឋានរបស់សមត្ថកិច្ចជាជំហានដំបូង បានឲ្យដឹងថា ក្នុងករណីឆាបឆេះនេះបានធ្វើឲ្យខូចខាតទាំងស្រុង និងទ្រព្យសម្បត្តិមួយចំនួន ទំនងជាទុស្សេចរន្តអគ្គិសនីទើបបានជាឆាបឆេះបែបនេះ។ នៅពេលដែលរថយន្តអគ្គិភ័យទាំង២គ្រឿងមកដល់ បានត្រឹមតែពន្លត់រងើកភ្លើងប៉ុណ្ណោះ៕
ចែករំលែកព័តមាននេះ