តម្លៃប្រេងលើទីផ្សារពិភពលោកបាន ធ្លាក់ចុះដល់១៨ដុល្លារមួយធុងក្នុងរយៈពេល តែ២សបា្ដហ៍ ក៏ប៉ុន្ដែការចុះយ៉ាងគំហុកបែប នេះបើពិនិត្យតម្លៃប្រេងនៅទីផ្សារស្រុកខ្មែរ វិញហាក់ដូចជាធ្លាក់ចុះវិញ បានត្រឹមតែ ១០០រៀលប៉ុណ្ណោះ ក្នុងមួយលីត្រ ក្រោយ ពេលឡើងខ្ពស់តាមហាងឆេងពិភពលោក មួយលីត្រប្រេងសាំងធម្មតាដល់៤.៤០០ រៀល ពេលតម្លៃប្រេងឆៅមួយធុងឡើងថ្លៃ ដល់ជាង៨០ដុល្លារ ។
ជាលើកដំបូងហើយពុំធ្លាប់មានចាប់តាំង ពីខែកក្កដា ឆ្នាំ២០០៩ មក ដែលតម្លៃប្រេង ឆៅបានធ្លាក់ចុះក្រោម៦៥ដុល្លារ មួយធុងនៅទីផ្សារប្រេងក្រុងញូវយ៉ក ជាការធ្លាក់ចុះ ដល់ជាង៥ដុល្លារមួយធុង បើប្រៀបធៀប ទៅនឹងតម្លៃប្រេងកាលពីថ្ងៃទី១៩ ឧសភា ។ នៅទីផ្សារប្រេងក្រុងញូវយ៉ក ណួំឃែ ប្រេងមួយធុងបានធ្លាក់ថ្លៃមួយរយៈខ្លះដល់ ៦៤,២៤ដុល្លារ ។ នៅទីក្រុងឡុង ប្រេងឆៅ មួយធុងធ្លាក់ដល់៧០,២០ដុល្លារ ជាកំរិតទាប បំផុតមួយពុំធ្លាប់មានចាប់តាំងពីខែកុម្ភៈ មក ។ តម្លៃប្រេងធ្លាក់ចុះយ៉ាងគំហុកបែប នេះនៅញូវយ៉ក ព្រោះតែមានការកើនឡើង គួរឱ្យភ្ញាក់ផ្អើលនៃចំនួនអ្នកឥតការងារធ្វើ នៅសហរដ្ឋអាមេរិក ។
តាំងពីចាប់ផ្ដើមវិបត្ដិសេដ្ឋកិច្ចនៅអឺរ៉ុប មកបណ្ដាអ្នកវិនិយោគមានការព្រួយបារម្ភ លើផលប៉ះពាល់នៃការរិតត្បិតថវិកាលើសេច ក្ដីត្រូវការផលិតផលប្រេងក្នុងតំបន់។ ចំណែក ប្រេងឆៅស្ដុកអាមេរិកវិញ នៅបន្ដកើន
ឡើង ។ រយៈពេលតែ២សបា្ដហ៍ តម្លៃប្រេង បានធ្លាក់ចុះដល់ជិត១៨ដុល្លារមួយធុងនៅ ក្រុងញូវយ៉ក និង១៥ដុល្លារនៅទីក្រុងឡុង៕
ចែករំលែកព័តមាននេះ