រាជធានីភ្នំពេញ ៖ នារីម្នាក់បានយកម៉ូតូមិត្តភក្ដិទៅបាត់៣ខែ លុះម្ចាស់តាមរកឃើញក៏ឃាត់ខ្លួនប្រគល់ឱ្យសមត្ថកិច្ច កាលពីវេលាម៉ោង៦និង១៥នាទីល្ងាចថ្ងៃទី៤ ខែកក្កដា នៅប៉ុស្តិ៍នគរបាលចោមចៅ៣ ខណ្ឌពោធិ៍សែនជ័យ ។
ស្រី្តម្ចាស់ម៉ូតូឈ្មោះ សេង ស្រីម៉ៅ អាយុ២៧ឆ្នាំ ជាកម្មការិនីរោងចក្រ ស្នាក់នៅភូមិត្រពាំងជ្រៅ សង្កាត់កាកាប២ ខណ្ឌពោធិ៍សែនជ័យ និងមានស្រុកកំណើតនៅភូមិតាមុំ ឃុំពោធិ៍រាជ ស្រុកស្វាយជ្រំ ខេត្តស្វាយរៀង ។ ចំណែកស្ត្រីជាប់ចោទឈ្មោះ ជា ស្រីដា អាយុ២៥ឆ្នាំ ជាកម្មការិនីរោងចក្រដូចគ្នា ស្នាក់នៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល និងមានស្រុកកំណើតនៅស្រុកចំការលើ ខេត្តកំពង់ចាម ។ ឯម៉ូតូដែលស្ត្រីជាប់ចោទឆបោកយកទៅម៉ាកឌ្រីម ស៊េរីឆ្នាំ២០១៥ ពណ៌ខ្មៅ ពាក់ផ្លាកលេខ ភ្នំពេញ ១FG-៥៤១៤ ។
ប្រភពព័ត៌មានពីម្ចាស់ម៉ូតូឱ្យដឹងថា នៅថ្ងៃទី២៤ ខែមេសា ឆ្នាំ២០១៨ វេលាម៉ោង៦ល្ងាច រូបនាងនិងជនសង្ស័យដែលជាមិត្តភក្ដិនឹងគ្នា បាននាំគ្នាមកទិញម្ហូបនៅផ្សារឃ្យូអឹមអាយ ភូមិត្រពាំងពោធិ៍ សង្កាត់ចោមចៅ៣ ហើយដោយសារនាងមិនសូវចេះជិះម៉ូតូក៏ឱ្យស្ត្រីជាមិត្តភក្តិនេះជាអ្នកបើក ។ ខណៈនាងចុះទិញម្ហូប ជនសង្ស័យក៏និយាយថា ទៅចាំនៅកន្លែងហូបបង្អែមដែលនៅជិតកន្លែងទិញម្ហូបនោះដែរ ។
បន្ទាប់មក ជនសង្ស័យក៏ជិះចេញទៅបាត់ ចំណែករូបនាងពេលទិញម្ហូបរួចហើយ ក៏ដើរទៅកន្លែងលក់បង្អែមតែមិនឃើញជនសង្ស័យ ។ ពេលនោះ នាងបានខ្ចីទូរស័ព្ទគេទូរស័ព្ទទៅរកជនសង្ស័យ តែមិនលើកទទួលឡើយ ហើយនាងក៏ឱ្យប្តីទៅដាក់ពាក្យបណ្តឹងភ្លាមៗដែរ ។ លុះនៅល្ងាចថ្ងៃទី៤ ខែកក្កដា មិត្តភក្ដិ
នាងម្នាក់ឃើញជនសង្ស័យខាងលើធ្វើការនៅរោងចក្រនៅម្តុំព្រៃរកា ឃុំឆក់ឈើនាង ស្រុកអង្គស្នួលខេត្តកណ្តាល កំពុងដើរទិញម្ហូប ទើបរូបនាងនិងប្តី បានទៅឃាត់ខ្លួននាំមកប៉ុស្តិ៍ចោមចៅ៣ ហើយប្រគល់ឱ្យសមត្ថកិច្ចសួរនាំ ។
នៅចំពោះមុខសមត្ថកិច្ច ស្ត្រីជាម្ចាស់ម៉ូតូបានកំណត់ថា បើមានលុយសងនាងវិញ នាងនឹងដកពាក្យបណ្តឹង តែដោយជនសង្ស័យមិនមា នសមត្ថភាពសង ទើបនគរបាលប៉ុស្តិ៍ចោមចៅ៣ កសាងសំណុំរឿងបញ្ជូនទៅផ្នែកព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធី ៕
ចែករំលែកព័តមាននេះ