រាជធានីភ្នំពេញ ៖ Star Food Enterprise ជាក្រុមហ៊ុននាំចូលនូវ Pezzo Pizza ដែលលក់ជាចំណិតដំបូងគេមកកាន់ប្រទេសកម្ពុជា បានបើកសម្ពោធជាផ្លូវការ និងមានការបង្ហាញនូវភីហ្សារសជាតិ ពិសេស Durian King Pizza (ភីហ្សាស្តេចធុរេន) កាលពីថ្ងៃទី៦ កក្កដា ២០១៨ នៅផ្សារទំនើបអ៊ីអនម៉លសែនសុខស៊ីធី ជាន់ទី២។
លោក ជា គឹមសុង នាយកប្រតិបត្តិនៃក្រុមហ៊ុន Star Food Enterprise មានប្រសាសន៍ថា ក្រុមហ៊ុនបាននាំមកនូវភីហ្សារសជាតិពិសេស Durian King Pizza (ភីហ្សាស្តេចធុរេន) មកកាន់ទីផ្សារកម្ពុជាពេលនេះ យើងរំពឹងថា ប្រជាពលរដ្ឋកម្ពុជានឹងនិយមចូលចិត្តនូវរសជាតិមួយនេះ ព្រោះជាក់ស្តែងប្រជាពលរដ្ឋកម្ពុជាមានការនិយមធុរេនស្រាប់ហើយ។
លោកបានបន្តថា ៖ «សម្រាប់ Durian King Pizza (ភីហ្សាស្តេចធុរេន) យើងមានការជឿជាក់សម្រាប់ទីផ្សារកម្ពុជា ព្រោះវាមានរសជាតិថ្មី ប្លែក ទើបតែមាននៅក្នុងស្រុករបស់យើង ខណៈដែលរសជាតិមួយនេះត្រូវបាន Pezzo Pizza បានដាក់លក់នៅតាមប្រទេសជាច្រើននៅលើពិភពលោក និងទទួលបានការគាំទ្រជាខ្លាំង។ ដូចនេះ Durian King Pizza (ភីហ្សាស្តេចធុរេន) ខ្ញុំគិតថា ជារសជាតិដំបូងគេនៅក្នុងព្រះរាជាណាចក្រកម្ពុជា ដែលដាក់ចូលទៅលើ Pizza»។
លោកគូសបញ្ជាក់បន្ថែមថា ៖ « Star Food Enterprise សំលឹងឃើញថា នៅលើទីផ្សារកម្ពុជា មិនទាន់មានការដាក់លក់នូវ Pizza លក់ជាចំណិត និងរសប្លែកៗបែបនេះទេ។ Pezzo Pizza បានទទួលការគាំទ្រពីសំណាក់ប្រជាជនសឹង្ហបុរីរយៈពេល៦ឆ្នាំមកហើយ។ ដូចនេះយើងសង្ឃឹមថា នឹងទទួលបានការគាំទ្រពីសំណាក់ប្រជាជនកម្ពុជា ដោយសារយើងបានប្រើប្រាស់គ្រឿងផ្សំគុណភាពខ្ពស់ជាច្រើន ជាពិសេស Durian King Pizza (ភីហ្សាស្តេចធុរេន) ដែលយើងប្រើប្រាស់ ធុរេនក្នុងស្រុក និងជាមួយសាច់ម្សៅពណ៌បៃតង ពីស្លឹកតយ ធ្វើឱ្យភីហ្សា ស្តេចធុរេន កាន់តែមានរសជាតិឆ្ងាញ់ និងប្លែកខុសពី ភីហ្សាធម្មតា» ។
គោលគំនិតនៃការលក់ភីហ្សាចំណិតនេះ គឺផ្តល់ឱ្យប្រជាពលរដ្ឋកម្ពុជា មានភាពងាយស្រួល ចង់ហូបភីហ្សា ពុំចាំបាច់បបួលគ្នាជាក្រុម ឬចូលរួមគ្នា ទើបទិញបានភីហ្សាហូបនោះទេ។ជាធម្មតានៅពេលដែលយើងហូបភីហ្សា នោះជាពេលជួបជុំគ្នា ជាមួយមិត្តភក្តិ ក្រុមការងារ និងក្រុមគ្រួសារ មិនថា ពិធីជប់លៀង ឬកម្មវិធីអ្វីទេ។ ប៉ុន្តែជានិច្ចកាល យើងត្រូវមានការឯកភាពលើរសជាតិតែមួយមុខ មុនពេលដែលយើងទិញមកញ៉ាំ។ ហើយម្នាក់ ឬពីរនាក់ត្រូវលះបង់រសជាតិដែលខ្លួនចូលចិត្ត។ ជាមួយនឹង Pezzo អ្នកទាំងអស់គ្នាអាចរីករាយ នឹងរសជាតិដែលខ្លួនចូលចិត្ត ហើយវានាំមកនូវអត្ថន័យដ៏ល្អបំផុតលើសពីភីហ្សាគឺ (ត្រូវតាមកម្មវិធី ត្រូវរសជាតិសម្រាប់ទាំងអស់គ្នា)។
លោក គ្រុយ ឆៃងន់ ប្រជាពលរដ្ឋមកពីពីខេត្តត្បួងឃ្មុំ ឱ្យដឹងថា ៖ « Pizza រសជាតិធុរេននេះ មានរសជាតិឆ្ងាញ់ហើយប្លែក បើប្រៀបធៀបនឹង Pizza ដែលលោកធ្លាប់បានហូបពីមុនៗ ដែលមិនមានដាក់ធូរេនបែបនេះទេ ។ រសជាតិធុរេន ឆ្ងាញ់ត្រូវចិត្តមែនទែន ហើយខ្ញុំយល់ថា ពលរដ្ឋកម្ពុជាផ្សេងទៀតក៏ចូលចិត្តដូចខ្ញុំដែលកំពុងហូបនាពេលនេះដែរព្រោះវាឆ្ងាញ់ប្លែក»៕
អត្ថបទសហការ
ចែករំលែកព័តមាននេះ