អាជ្ញាធរអប្សរា យកកង់ទៅចែកដល់សិស្សពូកែ និងក្រីក្រ
- សៀមរាប
ខេត្តសៀមរាប ៖ នាថ្ងៃទី៥ ខែកក្កដា ឆ្នាំ២០១៨នេះ នៅភូមិធម្មជាតិរុនតាឯក ក្នុងស្រុកបន្ទាយស្រី ត្រូវបានលោក ហង់ ពៅ…
ខេត្តសៀមរាប ៖ នាថ្ងៃទី៥ ខែកក្កដា ឆ្នាំ២០១៨នេះ នៅភូមិធម្មជាតិរុនតាឯក ក្នុងស្រុកបន្ទាយស្រី ត្រូវបានលោក ហង់ ពៅ…
ខេត្តសៀមរាប ៖ នាថ្ងៃទី៥ ខែកក្កដា ឆ្នាំ២០១៨នេះ នៅភូមិធម្មជាតិរុនតាឯក ក្នុងស្រុកបន្ទាយស្រី ត្រូវបានលោក ហង់ ពៅ អគ្គនាយករង តំណាងអគ្គនាយកលោក ស៊ុំ ម៉ាប់ លោក សុខ លក្ខិណា ប្រធានអង្គភាពគ្រប់គ្រងបរិស្ថានអង្គរ លោក ម៉ី ម៉ារ៉ាឌី ប្រធានគម្រោងភូមិធម្មជាតិរុនតាឯក លោក ភ័ន ផល្លា ប្រធាននាយកដ្ឋានរដ្ឋបាល បុគ្គលិក និងសម្ភារ នៃអាជ្ញាធរជាតិអប្សរា បានយកកង់ ចំនួន១០គ្រឿង ពីអាជ្ញាធរជាតិអប្សរា ទៅចែកដល់សិស្សពូកែ និងសិស្សក្រីក្រ ដែលកំពុងសិក្សា នៅសាលាបឋមសិក្សាជាលាធំ។ ក្នុងចំណោមសិស្សទាំងនោះជាសិស្សពូកែ និងខ្លះជាសិស្សក្រីក្រ ដែលត្រូវបន្ដថ្នាក់វិទ្យាល័យនៅឆ្នាំក្រោយ។
មានប្រសាសន៍ក្នុងកម្មវិធីខាងលើ លោក ភ័ន ផល្លា ប្រធាននាយកដ្ឋានរដ្ឋបាល បុគ្គលិក និងសម្ភារ នៃអាជ្ញាធរជាតិអប្សរា បានឱ្យដឹងថា កម្មវិធីចែកកង់នេះជាផ្នែកមួយនៃកម្មវិធីសងទៅសង្គម ដែលត្រូវបានរៀបចំធ្វើជារៀងរាល់ឆ្នាំ ដោយនាយកដ្ឋានរដ្ឋបាល បុគ្គលិក និងសម្ភារ សហការជាមួយអង្គភាពគ្រប់គ្រងបរិស្ថានអង្គរ។ លោកបន្ថែមថា គោលបំណងនៃកម្មវិធីនេះគឺដើម្បីធានាឱ្យកម្មវិធីប្រព័ន្ធគ្រប់គ្រងបរិស្ថាន របស់អាជ្ញាធរជាតិអប្សរា ដែលទទួលបាននូវវិញ្ញាបនបត្រ ISO 14001 ជាបន្តបន្ទាប់ទៀត និងផ្តល់ចំណេះដឹងដល់សិស្សានុសិស្សអំពីតួនាទី និងភារកិច្ចចម្បងរបស់អាជ្ញាធរជាតិអប្សរា ក្នុងកិច្ចការពារតំបន់រមណីយដ្ឋានអង្គរដែលបានចុះក្នុងបញ្ជីសម្បត្តិបេតិកភណ្ឌពិភពលោក។
លោក សុខ លក្ខិណា ប្រធានអង្គភាពគ្រប់គ្រងបរិស្ថានអង្គរ បានលើកឡើងថា កម្មវិធីសងទៅសង្គម ពិតជាមានសារសំខាន់ណាស់ ហើយគោលបំណងនៃកម្មវិធីនេះ គឺធ្វើសកម្មភាពទាក់ទងនឹងបរិស្ថាន ដូចជារឿងសំរាម ទុកដាក់សំរាមឱ្យបានត្រឹមត្រូវ អប់រំអ្នកឯទៀតឱ្យយល់ពីការទុកដាក់សំរាម រួមនឹងការដាំដើមឈើជាដើម។ លោកបន្ថែមថា កុមារពិតជាមានឥទ្ធិពលណាស់សម្រាប់ការចូលរួម ក្នុងកម្មវិធីបរិស្ថាន គឺពួកគេជាអ្នកនាំសារអប់រំទាក់ទងនឹងបរិស្ថានទៅដល់ក្រុមគ្រួសាររបស់ពួកគេ បានដ៏មានប្រសិទ្ធភាព។ ជាមួយគ្នានេះដែរ ប្រធានគម្រោងភូមិធម្មជាតិរុនតាឯក លោក ម៉ី ម៉ារ៉ាឌី ប្រធានគម្រោងភូមិធម្មជាតិរុនតាឯក បានថ្លែងពីការងារចូលរួមក្នុងការងារសម្អាតបរិស្ថាន នាពេលកន្លងមកផងដែរ។
តួយ៉ាង ភូមិធម្មជាតិរុនតាឯក ដែលជាភូមិគំរូទទួលបានវិញ្ញាបនបត្រ ចំនួនពីរទាក់ទងនឹងបរិស្ថាន ទីមួយពានរង្វាន់ធុរកិច្ចបៃតងក្នុងវិស័យទេសចរណ៍ ឆ្នាំ២០១៥-២០១៧ និងទីពីរ ពានរង្វាន់សម្តេចតេជោនាយករដ្ឋមន្ត្រីសម្រាប់ធុរកិច្ចបៃតងក្នុងវិស័យទេសចរណ៍ ឆ្នាំ២០១៥-២០១៧។ ក្នុងពិធីដែលមានសិស្សានុសិស្ស និងប្រជាពលរដ្ឋប្រមាណ ៥០នាក់នោះដែរ លោក ហង់ ពៅ អគ្គនាយករង និងជាតំណាងលោកអគ្គនាយកអាជ្ញាធរជាតិអប្សរា ក៏បានមានប្រសាសន៍អប់រំ សិស្សានុសិស្ស អំពីការប្រើប្រាស់ថង់ប្លាស្ទិក និងផលវិបាករបស់វាផងដែរ។
លោកលើកឡើងថា ថង់ប្លាស្ទិក ជាផ្នែកមួយនៃការបំពុលបរិស្ថានយ៉ាងធ្ងន់ធ្ងរ ហើយវាបានបង្កជាជំងឺផ្សេងៗ ដល់មនុស្សដោយមិនដឹងខ្លួន។ គួរបញ្ជាក់ថា ក្រោយពីកម្មវិធីប្រគល់កង់ដល់សិស្សានុសិស្សហើយនោះ ថ្នាក់ដឹកនាំអាជ្ញាធរជាតិអប្សរា ក៏បានចូលរួមដាំកូនឈើនៅបរិវេណបឹងជាលា ដែលជានិមិត្តរូប នៃរូបធម្មជាតិរុនតាឯកផងដែរ៕
ចែករំលែកព័តមាននេះ