តើមនុស្សប្រភេទណាដែលលោកចាត់ចូលទៅក្នុងឆ្នាំមហិទ្ធិឫទ្ធិ ? បើតាមតម្រាសាស្ត្របានអះអាងថា ឆ្នាំមហិទ្ធិឫទ្ធិសំដៅយក ឆ្នាំដែលមានឫទ្ធិអំណាចខ្លាំងក្លាលើសឆ្នាំនានាទាំងអស់តាំងតែពីកំណើតមក លុះមានវ័យវឌ្ឍនាការឡើងតែងមានគេរាប់អានច្រើន ជួយទំនុកបម្រុង ជួយជ្រោមជ្រែង គ្រប់កាលៈទេសៈ រាល់កិច្ចការដែលខ្លួនគ្រោងនឹងបំពេញ…
តើមនុស្សប្រភេទណាដែលលោកចាត់ចូលទៅក្នុងឆ្នាំមហិទ្ធិឫទ្ធិ ?
បើតាមតម្រាសាស្ត្របានអះអាងថា ឆ្នាំមហិទ្ធិឫទ្ធិសំដៅយក ឆ្នាំដែលមានឫទ្ធិអំណាចខ្លាំងក្លាលើសឆ្នាំនានាទាំងអស់តាំងតែពីកំណើតមក លុះមានវ័យវឌ្ឍនាការឡើងតែងមានគេរាប់អានច្រើន ជួយទំនុកបម្រុង ជួយជ្រោមជ្រែង គ្រប់កាលៈទេសៈ រាល់កិច្ចការដែលខ្លួនគ្រោងនឹងបំពេញ ទោះជាមានឧបសគ្គខ្លះកើតឡើង ក៏នៅតែអាចទទួលជោគជ័យជាដរាប ។ តាមក្បួនហុងស៊ុយចិន បានលាតត្រដាងបង្ហាញ អំពីឆ្នាំទាំង៤ថា លោកអ្នកនឹងមានលាភសំណាងធំបំផុតដែលមិនធ្លាប់មានក្នុងជីវិតនៅក្នុងឆ្នាំនេះជាក់ជាមិនខាន ព្រោះដល់ឆ្នាំ ដល់ពេលដែលត្រូវទទួលកំណប់ទ្រព្យទៅហើយ ។
សូមបង្ហាញឆ្នាំមហិទ្ធិឫទ្ធិទាំង៤ដូចខាងក្រោម ៖
ឆ្នាំមហិទ្ធិឫទ្ធិទី១- ឆ្នាំកុរ
អ្នកកើតឆ្នាំកុរ គឺជាមនុស្សដែលមានចរិតស្លូតបូតតាំងពីកំណើតមក គេជាមនុស្សចូលចិត្តជួយអ្នកដទៃ ប៉ុន្តែមិនសូវជាបានគុណបំណាច់ជះត្រឡប់ មកវិញទេ តែទោះជាយ៉ាងណា នៅក្នុងឆ្នាំនេះ អ្នកនឹងអាចក្លាយទៅជាសេដ្ឋី ឬក៏ជាបុគ្គលឆ្នើមជាងគេ នៅក្នុងតំបន់ដែលអ្នករស់នៅ និងនៅក្នុងអង្គភាពការងារ ដោយហេតុទេវតាដែលតាមថែរក្សា ដួងជតារាសី របស់លោកអ្នកព្យាយាមដឹកនាំអ្នកឲ្យទៅជួបមនុស្សល្អៗ មានឋានៈខ្ពង់ខ្ពស់ និង មានលុយច្រើន ដើម្បីជួយជ្រោមជ្រែងអ្នកឲ្យផុតចាកឆ្ងាយអំពីទុក្ខដែលអ្នកកំពុងជួបប្រទះ ពេលបច្ចុប្បន្ន និងជួយបំភ្លឺផ្លូវដល់អ្នកឲ្យចាប់យករបរ ឬការងារមួយ ដែលនាំឲ្យអ្នកជោគជ័យធំធេង ដែលនឹកស្មានមិនដល់នាពេលខាងមុខនេះ ។
ឆ្នាំមហិទ្ធិឫទ្ធិទី២- ឆ្នាំជូត
អ្នកកើតឆ្នាំជូត មិនថាប្រុស ឬស្រី សុទ្ធតែត្រូវទទួលបាននូវអំណាយពីទឹកដីភ្លើងខ្យល់ ហើយនៅក្នុងឆ្នាំនេះ អ្នកនឹងអាចក្លាយទៅជាមនុស្សដែលមានលុយច្រើន មានទ្រព្យច្រើន ឬក៏ មានសម្បត្តិជាទីពេញចិត្តច្រើន។ ឆ្នាំជូត តំណាងដោយកណ្តុរមាសបែបនេះ អ្នកនឹងមានសំណាងជាងឆ្នាំដទៃត្រង់ថា ការងារដែលលោកអ្នកកំពុងធ្វើ គឺជាការងារសុចរិត និងទទួលបានប្រាក់កម្រៃដ៏ច្រើនលើកតម្លៃជីវិតដ៏ត្រចះត្រចង់ឡើង ។
ឆ្នាំមហិទ្ធិឫទ្ធិទី៣- ឆ្នាំថោះ អ្នកកើតឆ្នាំថោះ ជាមនុស្សមានភាពហត់នឿយបន្តិច ប៉ុន្តែ ដោយសារតែសេចក្តីព្យាយាមរបស់អ្នកនោះហើយ ទើបវត្ថុស័ក្តិសិទ្ធិ និងទេវតា ដែលតាម ថែរក្សាដួងជតារាសីរបស់អ្នកលោក ជូនពរដល់អ្នកគ្រប់ពេលវេលាឲ្យបានសម្រេចនូវបំណង ប្រាថ្នារបស់ខ្លួនក្នុងពេលឆាប់ៗនេះ ។ ហេតុដូច្នេះហើយ អ្នកប្រាកដជាក្លាយជាឆ្នាំមួយ ក្នុងចំណោម ឆ្នាំទាំងអស់ ដែលនឹងត្រូវបានលាភសំណាងធំនៅក្នុងឆ្នាំនេះ និងបន្តទៅមុខអស់មួយជីវិត ។ ប្រសិនអ្នកក្លាយជាប្តី ឬក៏ប្រពន្ធ របស់ឆ្នាំណាមួយក៏ដោយ ឆ្នាំកំណើតនោះ ក៏នឹងមានសំណាង តាមអ្នកដែរ ។
ឆ្នាំមហិទ្ធិឫទ្ធិទី៤-ឆ្នាំមមែ
អ្នកកើតឆ្នាំមមែ គឺជាមនុស្សដែលមានជោគវាសនាល្អ និងមានមនុស្សស្រលាញ់រាប់អាចច្រើន តែអ្នកដែលរាប់អានទាំងនោះ មិនបានបញ្ចេញឥរិយាបថពិតឱ្យដឹង ។ លើសពីនេះមនុស្សកើតឆ្នាំមមែគឺមានចរិតល្អប្រសើរណាស់ គួរឱ្យស្រលាញ់ និងគួរឱ្យគោរពបំផុត ហើយនៅក្នុងឆ្នាំនេះអ្នកនឹងមានសំណាងល្អ លាភធំកើតឡើងជាមិនខាន ព្រោះទេវតាដែលតាមថែរក្សាគ្រប់ពេល តែងតែជួយបំភ្លឺផ្លូវ និងជូនពរដល់អ្នកជានិច្ច។ នៅទីបំផុតអ្នកនឹងទទួលបាននូវលាភសំណាងជាទីគាប់ចិត្ត ហើយបើបុរស ឬស្ត្រីណាបានក្លាយមកជាស្វាមី ឬភរិយារបស់អ្នក បុរសស្ត្រីនោះក៏នឹងទទួលបានលាភសំណាងតាមជោគជតារាសីរបស់អ្នកដែរ ។
ចែករំលែកព័តមាននេះ