យោងតាមគេហទំព័រ Japan Times បានឱ្យដឹងថា ប្រធានក្រុមសាមូរ៉ៃកីឡាករ Makoto Hasebe បានប្រកាសចូលនិវត្តន៍ពីក្រុមជម្រើសជាតិភ្លាមៗ បន្ទាប់ពីដឹកនាំកូនក្រុមពុំបានល្អ ធ្វើឱ្យជប៉ុនធ្លាក់ចេញពី…
យោងតាមគេហទំព័រ Japan Times បានឱ្យដឹងថា ប្រធានក្រុមសាមូរ៉ៃកីឡាករ Makoto Hasebe បានប្រកាសចូលនិវត្តន៍ពីក្រុមជម្រើសជាតិភ្លាមៗ បន្ទាប់ពីដឹកនាំកូនក្រុមពុំបានល្អ ធ្វើឱ្យជប៉ុនធ្លាក់ចេញពី World Cup ទាំងមិនអស់ចិត្តក្រោមថ្វីជើងបែលហ្ស៊ិកនៅវគ្គ១៦ក្រុម ។
ប្រធានក្រុមវ័យ៣៤ឆ្នាំរូបនេះ បានរៀបរាប់នៅលើ Instagram ថា «វាជាពេលចុងក្រោយសម្រាប់ខ្ញុំចំពោះការបង្ហាញខ្លួនជាមួយក្រុមជម្រើសជាតិ ។ ហើយខ្ញុំក៏សូមអរគុណចំពោះអ្នកគាំទ្រទាំងអស់ ដែលតែងតែលើកទឹកចិត្តរហូតមក» ។
គួររំលឹកថា ខ្សែបម្រើ Makoto Hasebe ដែលបច្ចុប្បន្នលេងនៅក្លិបអាល្លឺម៉ង់ Eintracht Frankfurt ត្រូវបានចាត់តាំងជាប្រធានក្រុមសាមូរ៉ៃនៅព្រឹត្តិការណ៍ World Cup ៣ដងមកហើយចាប់តាំងពីរដូវកាល ២០១០, ២០១៤ និង២០១៨នេះ ខណៈជប៉ុនមិនដែលឆ្លងផុតវគ្គ១៦ក្រុមទាំង៣លើក ។
អ្វីដែលនឹកស្មានមិនដល់នោះ គឺកីឡាករស្នូលខាងលើបានចូលលេងឱ្យក្រុមជម្រើសជាតិតាំងពីឆ្នាំ២០០៦មកម្ល៉េះដែលបង្ហាញខ្លួនបានចំនួន១០៨ប្រកួត ប៉ុន្តែរកគ្រាប់បាល់បានតែ២គ្រាប់ប៉ុណ្ណោះ ហើយមិនមែនជាការស៊ុតនៅ World Cup នោះទេ ៕
ចែករំលែកព័តមាននេះ