យោងតាមរបាយការណ៍ដែលចុះផ្សាយដោយគេហទំព័រ The Sun នាពេលថ្មីៗនេះបានឱ្យដឹងថា គ្រូបង្វឹកអាហ្សង់ទីនលោក Jorge Sampaoli គ្រោងនឹងលាលែងពីតំណែងរបស់ខ្លួនក្នុងសប្តាហ៍នេះបន្ទាប់ពីដឹកនាំក្រុមពពក.សធ្លាក់ចេញពី World Cup…
យោងតាមរបាយការណ៍ដែលចុះផ្សាយដោយគេហទំព័រ The Sun នាពេលថ្មីៗនេះបានឱ្យដឹងថា គ្រូបង្វឹកអាហ្សង់ទីនលោក Jorge Sampaoli គ្រោងនឹងលាលែងពីតំណែងរបស់ខ្លួនក្នុងសប្តាហ៍នេះបន្ទាប់ពីដឹកនាំក្រុមពពក.សធ្លាក់ចេញពី World Cup ត្រឹមវគ្គ១៦ក្រុម ។
ប្រភពដដែលនេះបានឱ្យដឹងទៀតថា គ្រូបង្វឹកវ័យ៥៨ខាងលើនឹងធ្វើការសម្រេចចិត្តជាផ្លូវការនៅថ្ងៃនេះ ឬអាចថ្ងៃស្អែក ក្រោយជួបប្រជុំជាមួយប្រធានសហព័ន្ធកីឡាបាល់ទាត់អាហ្សង់ទីនលោក Claudio Tapia រួចរាល់ ។ យ៉ាងណាមិញ លោក Sampaoli ប្រាប់ទៅក្រុមអាហ្សង់ទីនថា ប្រសិនបើរូបលោកនៅមានការគាំទ្រ លោកមានជំនឿថានឹងអាចដឹកនាំក្រុមនេះឱ្យឈ្នះពានរង្វាន់ Copa America ឆ្នាំ២០១៩ ។
ប៉ុន្តែផ្ទុយទៅវិញលោក Sampaoli ហាក់បាត់បង់ប្រជាប្រិយភាពអស់ទៅហើយបន្ទាប់ពីដឹកនាំពុំសូវល្អតាំងពីវគ្គចែកពូលមកម្ល៉េះ ។ ជាមួយគ្នានេះដែរជំនួយការគ្រូបង្វឹកលោក Sebastian Beccacece ក៏នឹងចាកចេញពីក្រុមពពក.សផងដែរ ។
គួរបញ្ជាក់ថា កុងត្រារបស់លោក Sampaoli នៅមានរយៈពេល៤ឆ្នាំទៀត ដូច្នេះប្រសិនបើលោកត្រូវបានដកតំណែងនោះអាហ្សង់ទីនត្រូវចេញថ្លៃសំណងប្រមាណ ១៦,៨ លានផោន ៕
ចែករំលែកព័តមាននេះ