អតីតកីឡាករក្រុមក្រូអាស៊ីលោក Davor Suker បានស្តីបន្តោសធ្ងន់ៗចំពោះការធ្លាក់របស់ក្រុមខ្លាំងៗពី World Cup ២០១៨ ថាមកពីការប្រកួតមានច្រើនកម្មវិធីពេកទើបធ្វើឱ្យកីឡាករ និងក្រុមវល់យ៉ាងដូច្នេះ ។…
អតីតកីឡាករក្រុមក្រូអាស៊ីលោក Davor Suker បានស្តីបន្តោសធ្ងន់ៗចំពោះការធ្លាក់របស់ក្រុមខ្លាំងៗពី World Cup ២០១៨ ថាមកពីការប្រកួតមានច្រើនកម្មវិធីពេកទើបធ្វើឱ្យកីឡាករ និងក្រុមវល់យ៉ាងដូច្នេះ ។
ក្រុមជម្រើសជាតិខ្លាំងៗទាំងនោះមានដូចជា អាល្លឺម៉ង់ (ជើងឯក World Cup ២០១៤ ) ធ្លាក់វគ្គ៣២ ក្រុម ខណៈអេស្ប៉ាញ (ជើងឯក World Cup ២០១០) អាហ្សង់ទីន និងក្រុមព័រទុយហ្គាល់មកធ្លាក់នៅវគ្គ ១៦ ក្រុមចុងក្រោយដូចគ្នា ។
ដើម្បីស្រាយចម្ងល់នេះលោក Suker ដែលបច្ចុប្បន្នជាប្រធានសហព័ន្ធបាល់ទាត់ក្រូអាស៊ីជឿជាក់ថា មូលហេតុមកពីមានកម្មវិធីប្រកួតច្រើនពេកសម្រាប់កីឡាករ និងក្រុម ។ អ្វីៗកើតឡើងសុទ្ធតែមានហេតុផលរបស់វា ។ សម្រាប់ខ្ញុំកំពុងគិតពីក្រុមអាល្លឺម៉ង់ អាហ្សង់ទីន និងក្រុមអេស្ប៉ាញ ថែមទាំងគិតដល់ស្ថាប័ន FIFA និងសហព័ន្ធបាល់ទាត់អឺរ៉ុប UEFA ថាតើគួរតែកាត់បន្ថយកម្មវិធីប្រកួតដ៏ស្អេកស្កះចេញពីបញ្ជី ។
ជាក់ស្តែងយើងមានការប្រកួតមិត្តភាព កម្មវិធី League of Nations និងព្រឹត្តិការណ៍ផ្សេងទៀត ។ ខ្ញុំដឹងថាការប្រកួតអស់ទាំងនេះសុទ្ធតែរកចំណូលឱ្យស្ថាប័នតែយើងគួរតែពិចារណាលុបចោលចំនួនប្រកួតចោលខ្លះទើបជាការល្អ ៕
ចែករំលែកព័តមាននេះ