វីរបុរសអាហ្សង់ទីន Maradona បញ្ចេញមតិរិះគន់ការលេងរបស់ Messi
តាមប្រភពព័ត៌មាន Soccer Laduma បានឲ្យដឹងថា អតីតកីឡាករជើងខ្លាំងរបស់អាហ្សង់ទីន Diego Maradona បានរិះគន់ការលេងរបស់កីឡាករខ្លាំងផ្តាច់គេ Lionel Messi…
តាមប្រភពព័ត៌មាន Soccer Laduma បានឲ្យដឹងថា អតីតកីឡាករជើងខ្លាំងរបស់អាហ្សង់ទីន Diego Maradona បានរិះគន់ការលេងរបស់កីឡាករខ្លាំងផ្តាច់គេ Lionel Messi នៅក្នុងការប្រកួតជាមួយនឹងមាន់គកបារាំងកាលពីថ្ងៃសៅរ៍ ។
កីឡាករជើងខ្លាំងរបស់ក្លិប Barcelona បានព្យាយាមណាស់ដែរតែមិនឈ្នះ ។ រូបគេបានស៊ុតគ្រាប់បាល់តម្រង់ទីចំនួនដល់ទៅ៩ដងតែមិនបានសម្រេច ។ ចុងក្រោយក្រុមមាន់គកបារាំងបានយកឈ្នះដោយលទ្ធផល 4-3 ។
ជើងខ្លាំងខុសជំនាន់ Maradona បានប្រាប់ទៅកាន់ព័ត៌មាន Daily Express ថា «ខ្ញុំឃើញគេនៅឆ្ងាយពីទីពេក ។ ខ្ញុំនិយាយថា ប្រសិនបើគេពាក់អាវលេខ៩ គេត្រូវតែទៅរកបាល់ ហើយស៊ុតបញ្ចូលទី» ។
គួរបញ្ជាក់ផងដែរថា កីឡាកររបស់អាហ្សង់ទីន២រូបបានប្រកាសចូលនិវត្តន៍ភ្លាមៗក្រោយពេលចាញ់ការប្រកួតជាមួយនឹងបារាំងដែលរួមមាន Javier Mascherano និង Lucas Biglia ៕
ចែករំលែកព័តមាននេះ