តាមប្រភពព័ត៌មាន The Sun បានឲ្យដឹងថា កីឡាករជាក្តីរំពឹងរបស់អាហ្សង់ទីនត្រូវបានប្រពន្ធមកយកដោយផ្ទាល់នៅព្រលានយន្តហោះកាលពីថ្ងៃអាទិត្យ ។ ម្ចាស់ពាន Ballon d’Or ចំនួន៥លើកបានត្រឡប់ផ្ទះដោយជិះយន្តហោះផ្សេងជាមួយនឹងមិត្តរួមក្រុម Javier Mascherano មកកាន់ Barcelona ។
រូបគេមិនបានជិះជាមួយនឹងក្រុមអាហ្សង់ទីនឡើយដែលជើងហោះហើរនោះទៅកាន់ Buenos Aires ។ ពេលដើរចេញមក Messi មិនបានឆ្លើយតបទៅជាមួយនឹងអ្នកសារព័ត៌មានទេ ហើយក៏ឡើងរថយន្តទៅបាត់ដែលមានប្រពន្ធរបស់គេជាអ្នកបើក ។
គួរបញ្ជាក់ផងដែរថា Messi រកគ្រាប់បាល់បានត្រឹមតែ១គ្រាប់ប៉ុណ្ណោះក្នុងការប្រកួត World Cup ឆ្នាំនេះ ។ រូបគេមានសម្ពាធជាខ្លាំងក្រោយស៊ុតប៉េណាល់ទីខុស ។ នេះហាក់បីដូចជា គ្រប់គ្នារំពឹងខ្ពស់ពេកលើ Messi តែម្នាក់ហើយមិនគិតការលេងជាក្រុម ។ គេនៅមិនទាន់ដឹងនៅឡើយថា Messi នឹងឈប់ពីក្រុមជម្រើសជាតិអាហ្សង់ទីនឬអត់ ៕
ចែករំលែកព័តមាននេះ