លោកស្នងការ ជួន ណារិន្ទ នាំយកសម្ភារសិក្សា ចែកជូនសិស្សអនុវិទ្យាល័យដូងប្រេងតានៃ
- ព្រះសីហនុ
ខេត្តព្រះសីហនុ ៖ នៅព្រឹកថ្ងៃទី២ ខែកក្កដា ឆ្នាំ២០១៨នេះ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ…
ខេត្តព្រះសីហនុ ៖ នៅព្រឹកថ្ងៃទី២ ខែកក្កដា ឆ្នាំ២០១៨នេះ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ…
ខេត្តព្រះសីហនុ ៖ នៅព្រឹកថ្ងៃទី២ ខែកក្កដា ឆ្នាំ២០១៨នេះ ឯកឧត្តម ឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានដឹកនាំសហការី នាំយកសម្ភារសិក្សា និងអាហារសម្រន់ មាន នំបញ្ចុកសម្លការីនំប៉័ង យកទៅចែកជូនក្មួយៗសិស្សានុសិស្ស នៅអនុវិទ្យាល័យ ដូងប្រេងតានៃ ក្នុងស្រុកព្រៃនប់ ដើម្បីបានបរិភោគជួបជុំគ្នាបង្ហាញនូវសេចក្តីស្រឡាញ់ នឹករលឹកដោយមានការចូលរួមពី សិស្សានុសិស្ស លោកគ្រូអ្នកគ្រូ និងអ្នកអាណាព្យាបាលសិស្ស សរុបចំនួន៣០០នាក់។
សិស្សសាលាអនុវិទ្យាល័យដូងប្រេងតានៃ ត្រូវបានឧត្តមសេនីយ៍ទោ ជួន ណារិន្ទ ស្នងការនគរបាលខេត្ត ជួយឧបត្ថម្ភគាំទ្រ អស់រយៈពេលជាងបីឆ្នាំមកហើយ។ គួរបញ្ជាក់ផងដែរ ក្មួយៗសិស្សអនុវិទ្យាល័យដូងប្រេងតានៃ ដែលមានលំនៅឋានឆ្ងាយៗពីសាលារៀនជាច្រើនឆ្នាំកន្លងមក តែងតែបក់ដៃសុំរថយន្តធំៗជិះមកសាលារៀនទាំងទៅ និងមក។ ដោយឃើញពីការលំបាករបស់កូនក្មួយទាំងនោះ ជំហានដំបូង លោកស្នងការបានជួលយានយន្ត២គ្រឿងជាបណ្តោះអាសន្ន ដើម្បីដឹកសិស្សទាំងនោះគឺ៖ រថយន្តមួយគ្រឿង បើកតាមផ្លូវគ្រួសក្រហមចូលទៅដឹកសិស្ស៣កន្លែងមានភូមិអន្លង់ក្រពើនៅក្បែរជើងភ្នំកំចាយ ភូមិចម្ការដំឡូង និងភូមិមនោរម្យ។ រីឯរ៉ឺម៉កម៉ូតូមួយគ្រឿងទៀត ដឹកសិស្សនៅភូមិតាពៅ តាមផ្លូវជាតិលេខ៤។
ដោយមានការចូលរួមឧបត្ថម្ភថវិកា ពីសប្បុរសជន នៅខែមករា ឆ្នាំ២០១៦ លោកស្នងការទិញបានរថយន្តកូរ៉េធុនធំមួយគ្រឿង រៀបចំបំពាក់កៅអីសម្រាប់ដឹកជញ្ជូនសិស្ស បីភូមិមានអន្លង់ក្រពើ ចម្ការដំឡូង និងភូមិមនោរម្យ រហូតមកដល់បច្ចុប្បន្ន។ ដោយជួលមន្ត្រីចូលនិវត្តន៍ម្នាក់ បើកបរជាប្រចាំ ថ្លៃឈ្នួលប្រចាំខែ ចំនួន៥០ម៉ឺនរៀល និងចំណាយប្រេងអស់ចំនួន៦០០លីត្រក្នុងមួយខែ លោកឧកញ៉ាចិត្តធម៌ ទៀ វិចិត្រ ជាអ្នកឧបត្ថម្ភប្រេង និងជួលរ៉ឺម៉កម៉ូតូមួយគ្រឿងតម្លៃ៦០ម៉ឺនរៀលក្នុង១ខែ។
មានមតិសំណេះសំណាលជាមួយសិស្សានុសិស្សនាពេលនោះ លោកឧត្តមសេនីយ៍ស្នងការបានផ្តាំផ្ញើឲ្យកូនក្មួយទាំងអស់ ត្រូវខិតខំប្រឹងប្រែងរៀនសូត្រ ស្តាប់បង្គាប់ការទូន្មានរបស់ឪពុកម្ដាយ និងលោកគ្រូអ្នកគ្រូ ព្រមទាំងចៀសឲ្យឆ្ងាយពីបញ្ហាគ្រឿងញៀន និងគ្រឿងអបាយមុខផ្សេងៗទាំងឡាយ ធ្វើខ្លួនឲ្យក្លាយជាពលរដ្ឋល្អ សាកសមជាអ្នកបន្តវេនទៅថ្ងៃអនាគត។ ក្នុងឱកាសនោះដែរ លោកស្នងការបានចែកជូនថវិកាដល់សិស្សចំនួន១៨២នាក់ ក្នុងម្នាក់ៗទទួលបាន៥.០០០រៀល លោកគ្រូអ្នកគ្រូចំនួន១១នាក់ ក្នុងម្នាក់ៗទទួលបាន៥០.០០០រៀល និងអាណាព្យាបាលសិស្សចំនួន៧០នាក់ ក្នុងម្នាក់ៗទទួលបាន២.០០០០រៀលផងដែរ៕
ចែករំលែកព័តមាននេះ