ខេត្តព្រះសីហនុ ៖ ស្ត្រីបម្រើការផ្នែកខាងអនាម័យនៅតំបន់សេដ្ឋកិច្ចពិសេសម្នាក់បានស្លាប់នៅនឹងកន្លែង ខណៈស្ត្រីរងគ្រោះរួបនោះបានដើរឆ្លងផ្លូវជាតិ ហើយត្រូវម៉ូតូបុក ។ ហេតុការណ៍នេះបានកើតមានឡើងនៅវេលាម៉ោង៧និង៣០នាទីព្រឹកថ្ងៃទី២៩ ខែមិថុនា ឆ្នាំ២០១៨ នៅលើផ្លូវបេតុងក្នុងតំបន់សេដ្ឋកិច្ចពិសេស ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ។
តាមប្រភពពីសមត្ថកិច្ចបានឲ្យដឹងថា គ្រោះថ្នាក់នេះបង្កឡើងដោយម៉ូតូ០១គ្រឿង ម៉ាកហុងដា១២៥ ឆ្នាំ២០១១ ពណ៌ខ្មៅ ពាក់ស្លាកលេខកំពត ១E- ៧៧២៩ ទិសដៅពីត្បូងទៅជើង បើកបរដោយឈ្មោះ ស៊ីវ ឆាយ៉ា ភេទប្រុស អាយុ២៥ឆ្នាំ មុខរបរកម្មករ ស្នាក់នៅផ្ទះជួលភូមិស្មាច់ដែង ឃុំរាម ស្រុកព្រៃនប់ មកដល់ចំណុចខាងលើបានបុកស្ត្រីម្នាក់ឈ្មោះ លុយ ពៅ អាយុ៤៤ឆ្នាំ ជាអ្នកអនាម័យក្នុងតំបន់ ស្នាក់នៅបន្ទប់ជួលក្នុងតំបន់ បណ្តាលឲ្យស្លាប់(ស្ត្រី) ភ្លាមៗនៅនឹងកន្លែង ក្នុងខណៈស្ត្រីអនាម័យកំពុងដើរឆ្លងថ្នល់ ។ បច្ចុប្បន្នអ្នកបើកបរម៉ូតូដែលរងរបួសដែរនោះ ត្រូវបានកម្លាំងនគរបាលឃាត់ខ្លួនចាត់ចែងតាមច្បាប់ ៕
ចែករំលែកព័តមាននេះ