រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កំពុងមានការភ្ញាក់ដ៏ខ្លាំងបំផុត ដោយពលរដ្ឋបាននាំ គ្នាទៅចោមរោមមើល ខណៈកម្លាំងសមត្ថកិច្ចបាននាំឃាតករប្តី-ប្រពន្ធ ក្នុងចំណោមជនដៃដល់៤នាក់ មករកសាកសពនារីម្នាក់ក្នុងប្រឡាយមួយកន្លែង ស្ថិតក្នុងសង្កាត់ស្ទឹងមានជ័យ១…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា កំពុងមានការភ្ញាក់ដ៏ខ្លាំងបំផុត ដោយពលរដ្ឋបាននាំ
គ្នាទៅចោមរោមមើល ខណៈកម្លាំងសមត្ថកិច្ចបាននាំឃាតករប្តី-ប្រពន្ធ ក្នុងចំណោមជនដៃដល់៤នាក់ មករកសាកសពនារីម្នាក់ក្នុងប្រឡាយមួយកន្លែង ស្ថិតក្នុងសង្កាត់ស្ទឹងមានជ័យ១ ខណ្ឌមានជ័យ ក្រោយពីពួកគេបានសម្លាប់ រួចយកមកបោះចោល ។
សេចក្តីរាយការណ៍បន្តថា ជំហានដំបូងនៅមិនទាន់ស្គាល់ឈ្មោះឃាតករទាំង២នាក់ប្តី-ប្រពន្ធនេះទេ ។ ដោយឡែក សាកសពគឺជាមនុស្សស្រី ដែលគេបានស្គាល់ឈ្មេាះ ខ្នើយ ស្រីសិង្គ អាយុ៣១ឆ្នាំ ជាអ្នករាប់លុយ ស្នាក់នៅផ្ទះជួលក្នុងសង្កាត់ស្ទឹងមានជ័យ១ ខណ្ឌមានជ័យ ហើយនាង (ជនរងគ្រោះ) មានប្តីជាជនជាតិចិន ។
ទាក់ទិនករណីឃាតកម្មនេះ ត្រូវបានបង្ហើបថា អាចផ្តើមចេញពីការជំពាក់លុយ ក្រោយឃាតករទាំង២នាក់នេះបានខ្ចីពីនារីរងគ្រោះ ដែលជាអ្នករាប់លុយនោះ ។ ប្រភពបន្តថា ដោយសារតែអាចអត់មានលុយសងទៅនារីរងគ្រោះជាម្ចាស់លុយ ទើបសម្លាប់នាងតែម្តង ។
គួរបញ្ជាក់ទៀតថា ករណីឃាតកម្មខាងលើ បានកើតឡើងតាំងពីថ្ងៃទី២០ មិថុនា មកម្លេ៉ះ ។ ដោយសារតែខាងសាច់ញាតិនារីរងគ្រោះបាត់ដំណឹងឈឹង ទើបដាក់ពាក្យបណ្តឹងទៅសមត្ថកិច្ច ស្រាវជ្រាវរហូតកំណត់មុខសញ្ញានេះបានតែម្តង ។ ប្រភពចុងក្រោយថា ជនដៃដល់ទាំងអស់គឺមាន៣នាក់ តែពេលនេះទើបឃាត់បាន២នាក់ប្តី-ប្រពន្ធនេះទេ ។
ទោះបីជាយ៉ាងណា គិតមកទល់ម៉ោង១១ព្រឹកថ្ងៃដដែលនេះ ត្រូវបានរកឃើញសាកសពហើយ ដោយក្នុងស្ថាភាពរុំភួយយ៉ាងជិត ខណៈសមត្ថកិច្ចកំពុងស្រង់មកដាក់គោកដើម្បីធ្វើការពិនិត្យ ហើយក៏បានឃាត់ខ្លួនមនុស្សចំនួន៣នាក់ហើយ ក្នុងចំណោម៤នាក់ដែលធ្វើសកម្មភាពសម្លាប់នេះ ។
ព័ត៌មានលម្អឹតមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ