ខេត្តប៉ៃលិន ៖ បុរសម្នាក់ត្រូវបានគេប្រទះឃើញចង.កសម្លាប់ខ្លួននៅជាប់នឹងរោងឈើមួយ ខាងក្រោយយានដ្ឋានដែលមានយីហោ«ជាងយាវ» ដោយមានឈាមហូរជោកខ្លួនប្រាណ លុះក្រោយធ្វើការពិនិត្យគេសង្ស័យថា ជាករណីឃាតកម្មគិតទុកមុន ។ ហេតុការណ៍ករណីឃាតកម្មគិតទុកជាមុនដោយយកទៅព្យួរកនៅខាងក្រោយរោងឈើមួយនេះបានកើតឡើងកាលពីវេលាម៉ោង៧និង០០នាទីយប់ ថ្ងៃទី២៧…
ខេត្តប៉ៃលិន ៖ បុរសម្នាក់ត្រូវបានគេប្រទះឃើញចង.កសម្លាប់ខ្លួននៅជាប់នឹងរោងឈើមួយ ខាងក្រោយយានដ្ឋានដែលមានយីហោ«ជាងយាវ» ដោយមានឈាមហូរជោកខ្លួនប្រាណ លុះក្រោយធ្វើការពិនិត្យគេសង្ស័យថា ជាករណីឃាតកម្មគិតទុកមុន ។
ហេតុការណ៍ករណីឃាតកម្មគិតទុកជាមុនដោយយកទៅព្យួរកនៅខាងក្រោយរោងឈើមួយនេះបានកើតឡើងកាលពីវេលាម៉ោង៧និង០០នាទីយប់ ថ្ងៃទី២៧ ខែមិថុនា ឆ្នាំ២០១៨ នៅចំណុចយានដ្ឋានរបស់បុរសម្នាក់ឈ្មោះ កែវ សុខជឿន ហៅជាងយ៉ាវ ស្ថិតក្នុងភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
ប្រភពព័ត៌មានពីនគរបាលបានឱ្យដឹងថា ជនរងគ្រោះដែលចង.កសង្ស័យករណីឃាតកម្មនេះ មានឈ្មោះ ម៉ៅ ទិត្យ ភេទប្រុស អាយុ៣៣ឆ្នាំ មានស្រុកកំណើតរស់នៅភូមិស្តុកឃ្លោក ឃុំអូរតាប៉ោង ស្រុកបាកាន ខេត្តពោធិ៍សាត់ បច្ចុប្បន្នស្នាក់នៅមិនពិតប្រាកដ ដោយនៅកន្លែងកើតហេតុខាងលើ ។
ប្រភពព័ត៌មានបានបន្តទៀតថា មុនពេលកើតហេតុគេឃើញជនរងគ្រោះបានទិញរថយន្តម៉ាកយីឌុប១គ្រឿងតម្លៃជាង៣ម៉ឺនដុល្លារបានត្រឹមតែរយៈពេលប៉ុន្មានថ្ងៃ ដោយយកទៅធ្វើការជួសជុលនៅក្នុងយានដ្ឋានខាងលើ ហើយនៅព្រឹកថ្ងៃដដែលជនរងគ្រោះប្រាប់ថា មិនស្រួលខ្លួន រួចទៅចងអង្រឹងដេកនៅក្នុងរោងកន្លែងកើតហេតុ ស្រាប់តែដល់ពេលល្ងាចអត់ឃើញចេញមកហូបបាយទើបម្ចាស់យានដ្ឋាន និងកម្មករមួយចំនួនដើររកក៏ប្រទះឃើញឈាម៣ទៅ៤កន្លែង រួចឃើញជនរងគ្រោះចង.កស្លាប់នៅក្បែររោងមានឈាមហូរជោកខ្លួនតែម្តង ។
ប្រភពព័ត៌មានពីលោក ជា រ៉ាវុធ ប្រធានការិយាល័យវេជ្ជសាស្ត្របច្ចេកទេស និងកោសល្យវិច្ច័យនៃស្នងការនគរបាលខេត្តបានឱ្យដឹងថា បន្ទាប់ពីខាងគ្រូពេទ្យ និងខាងបច្ចេកទេសពិនិត្យទៅលើសាកសពរួច ជនរងគ្រោះត្រូវគេយកឡាមអារ.ករួចយកទៅចងព្យួរ.កដើម្បីបង្វែងភស្តុតាង ។ លោកបន្តទៀតថា ពាក់ព័ន្ធនឹងបញ្ហានេះនឹងកោះហៅកម្មករជួសជុលរថយន្ត និងម្ចាស់ យានដ្ឋានដើម្បីបំភ្លឺហើយនឹងស្វែងរកជនសង្ស័យដៃដល់ដើម្បីយកមកចាត់ការតាមនីតិវិធី ៕
ចែករំលែកព័តមាននេះ