សារព័ត៌មានបរទេសកាលពីពេល ថ្មីៗកន្លងមកផ្សាយថា ចៅហ្វាយក្រុងអូស្តេន ប្រទេសបែលហ្សុិកត្រៀមប្ដូររោងទុកយន្តហោះដែលបោះបង់ចោលធ្វើជាបនពេស្យាដ៏ធំ ដោយមានរង្គសាល កន្លែងក្រឡុកស្រា និងហាងទំនិញឈ្មោះ «Hangar d’Amour» ឬរោងរក្សាទុកយន្តហោះនៃក្ដីស្រឡាញ់ ។
លោក ចូហាន វ៉ាន់ឌ័រ ឡាណូត(Johan Vande Lanotte) ចៅហ្វាយក្រុងអូស្ដេន បានបញ្ជាក់ថារោងផ្ទុកយន្តហោះដែលបោះបង់ចោលមួយនេះនឹងក្លាយជាទីតាំងមានសន្តិសុខយ៉ាងខ្លាំងសម្រាប់នារីបម្រើផ្លូវភេទ ព្រោះបានចុះកិច្ចសន្យាជួលជាមួយម្ចាស់ស្ថានីយដោយផ្ទាល់ មិនចាំបាច់ឆ្លងកាត់តាមរយៈអ្នករកកម្រៃជើងសាដូចកាលពីមុន ។
ក្រុមហ៊ុនដែលបើកបនពេស្យានេះ ឈ្មោះ «Villa Tinto» ជាបនពេស្យាដ៏ធំមួយនៅក្រុងអេនវុើប ដោយមានបន្ទប់ចំនួន៥១សម្រាប់បម្រើភ្ញៀវ ។ បនពេស្យានេះមានលក្ខណៈល្អប្រសើរជាងមុន ព្រោះបទល្មើសនានាមានចំនួនតិច ឬស្ទើរតែគ្មាន ។
ក្រៅពីនេះលោកបានបញ្ជាក់បន្តទៀតថា នៅផ្នែកខាងក្នុងក៏មានមជ្ឈមណ្ឌលសុខភាព កន្លែងសម្រាប់ទាក់ទង និងបន្ទប់ការងារប៉ូលិស ។ អាជីពផ្លូវភេទគឺជារឿងស្របច្បាប់នៅប្រទេសបែលហ្សុិកមានស្ត្រីជាង ២៦.០០០ នាក់នៅក្នុងអាជីពនេះ ៕
ចែករំលែកព័តមាននេះ