រាជធានីភ្នំពេញ ៖ យុវជន២នាក់ចូលផឹកស៊ីច្រៀងខារ៉ាអូខេពេលស្រវឹងចិត្តទូលាយជាមួយនាងៗលុះពេលគិតលុយអស់លុយច្រើនពេកទូរស័ព្ទហៅអ្នកយកព័ត៌មានមកថតផ្អើលសមត្ថកិច្ច បង្កអោយមានការភ្ញាក់ផ្អើលកាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី ២៧ ខែមិថុនា ឆ្នាំ២០១៨ នៅតាមបណ្ដោយផ្លូវ២០០៤ ហៅផ្លូវម៉ៃដា នៅចំណុចហាងខារ៉ាអូខេ មូន KTV ដែលស្ថិតនៅភូមិត្រពាំងល្វា សង្កាត់កាកាប១ ខណ្ឌពោធិ៍សែនជ័យ ។ យុវជន២នាក់ដោយមិនបានស្គាល់ឈ្មោះជិះម៉ូតូ២គ្រឿងម៉ាកស្កូបពី និងម៉ាកសងកូរ៉េ ។
តាមប្រភពព័ត៌មានពីយុវជនទាំង២នាក់បានអោយដឹងថា នៅមុនពេលកើតហេតុពួកគាត់ទើបមកពីផឹកកន្លែងផ្សេងម្តងរួចមកហើយ ហើយបាននាំគ្នាចូលខារ៉ាអូខេយីហោខាងលើទៀតដោយមានបុគ្គលិកហាងជាអ្នកស្ទាក់ផ្លូវបាននិយាយប្រម៉ូសិនថ្មី ១កេស៣០ដុល្លារ Free ម្ហូប៤មុខ និងស្រីកំដរផឹកផងដែរហើយនៅពលនោះពួកគាត់មើលទៅតំលៃល្មមនឹងចូល ហើយបានសម្រេចចិត្តចូលហាងខាងលើតែម្តង ។
ប្រភពព័ត៌មានបានបន្តទៀតថា ខណៈពេលកំពង់ហូបទាំងស្រវឹងស្រឿងៗដោយមានស្រី
ឱបរិតហើយនៅពេលនោះដែរនារីខារ៉ាអូខេបានយកម្ហូបចូលជាញឹកញាប់ហើយគាត់មិនបានចាប់អារម្មណ៍ថាគិតលុយផ្សេងនោះឡើយ ។ បន្ទាប់មកនៅពេលគិតលុយស្រាប់តែអស់លុយចំនួន៦១ដុល្លារ ហើយនៅពេលភ្លាមៗនោះដែរគាត់មិនបានអោយលុយថ្លៃផឹកស៊ីនោះឡើយហើយម្ចាស់ហាងឃាត់មិនឲ្យយកម៉ូតូចេញឡើយ ព្រោះយកលើសថ្លៃកាលពីនិយាយដំបូង ហើយនៅពេលនោះដែរពួកគាត់បានខលហៅអ្នកសារព័ត៌មានមកថតនឹងឡាយតាម Facebook ។
ប្រភពព័ត៌មានបានបន្តទៀតថា ខណៈពេលភាគីទាំងពីរបានជជែកដាក់គ្នាយ៉ាងតឹងសរសៃ.ក រៀងៗខ្លួនខាងភាគីថៅកែហាងខារ៉ាអូខេថា យុវជនទាំង២នាក់ជាអ្នកឲ្យបុគ្គលិកស្រីគាត់ហៅមុខម្ហូបបន្ថែម នៅពេលជិតចប់ផឹកស៊ីបានបបួលនារីខារ៉ាអូខេយកទៅដេក ហើយនាងៗមិនព្រមទៅបែរជាចោទពួកគាត់គៀបស៊ីពួកគាត់ទៅវិញ ។ ចំណែកឯខាងយុវជន២នាក់ខាងលើពួកគាត់មិនបានបបួលនារីខារ៉ាអូខេទៅដេកនៅក្រៅឡើយគឺដោយសារថៅកែហាងគៀបពួកគាត់ទើបប្តឹងព័ត៌មានអោយជួយផ្សព្វផ្សាយ ។
ក្រោយពេលកើតហេតុពេលសមត្ថកិច្ចនគរបាលប៉ុស្តិ៍កាកាប១បានមកដល់ហើយបានសម្របសម្រួលដោយបញ្ជប់ក្នុងតំលៃ៤០ដុល្លារ ស្រាប់តែយុវជនទាំង២នាក់បានបើកម៉ូតូចេញយ៉ាងលឿនមិនបំភ្លឺអ្នកសារព័ត៌មានចុងក្រោយឡើយ ៕
ចែករំលែកព័តមាននេះ