ប្រទេសម៉ិកស៊ិក ៖ អាជ្ញាធរមូលដ្ឋានរាយការណ៍កាលពីថ្ងៃទី២៤ មិថុនា ថា ប៉ូលិសទាំងអស់នៃទីក្រុង OCAMPO ភាគកណ្ដាលម៉ិកស៊ិក ជាកន្លែងមានការធ្វើឃាតកាលពីសប្ដាហ៍មុន បេក្ខជនសាលាក្រុងនេះម្នាក់ត្រូវដកហូតអាវុធ…
ប្រទេសម៉ិកស៊ិក ៖ អាជ្ញាធរមូលដ្ឋានរាយការណ៍កាលពីថ្ងៃទី២៤ មិថុនា ថា ប៉ូលិសទាំងអស់នៃទីក្រុង OCAMPO ភាគកណ្ដាលម៉ិកស៊ិក ជាកន្លែងមានការធ្វើឃាតកាលពីសប្ដាហ៍មុន បេក្ខជនសាលាក្រុងនេះម្នាក់ត្រូវដកហូតអាវុធ ហើយចាប់ខ្លួន ដើម្បីធ្វើការស៊ើបអង្កេតផ្ទៃក្នុងមួយ។
បើតាមលេខាធិការដ្ឋានសន្តិសុខរដ្ឋ MICHOACAN បានគូសបញ្ជាក់ថា ប៉ូលិសទាំងអស់នោះត្រូវចាប់ខ្លួនមកសួរចម្លើយ ដោយយោងទៅតាមច្បាប់ស៊ើបអង្កេតលើការចូលរួមក្នុងអំពើហិង្សាទាំងឡាយដែលផ្ទុយពីវិជ្ជាជីវៈ ។ ក្រោយបេក្ខជនសម្រាប់ការបោះឆ្នោតក្រុង លោក FERNANDO ANGELES ត្រូវគេបាញ់សម្លាប់កាលពីថ្ងៃទី២១ មិថុនា ពេលកំពុងឃោសនាបោះឆ្នោត ។
ប៉ូលិសទាំងនេះក្រោយការចាប់ខ្លួនក៏ត្រូវបញ្ជូនមកកាន់កងឯកភាពផ្ទៃក្នុងមួយនៃលេខាធិការដ្ឋានសន្តិសុខដែលពុំបញ្ជាក់ឡើយថា តើការឃុំខ្លួនពួកគេទាក់ទិននឹងការសម្លាប់បេក្ខជនរូបនោះដែរឬយ៉ាងណាឡើយ?
នាថ្ងៃទី២០ មិថុនា លោក OMAR GOMEZ បេក្ខជនឯករាជ្យសម្រាប់ការបោះឆ្នោតក្រុងAGUILILLA រដ្ឋ MICHOACAN ដែរ ត្រូវគេបាញ់សម្លាប់ រួចនាថ្ងៃទី១៤ មិថុនា បេក្ខជនសាលាក្រុងTARETAN ស្ថិតក្នុងរដ្ឋដដែលនេះក៏ត្រូវគេធ្វើឃាតទៀត។
តាំងពីចាប់ផ្ដើមយុទ្ធនាការឃោសនាបោះឆ្នោតទូទៅពីថ្ងៃទី១ មិថុនាមក សមាជិកសភាបេក្ខជនឈរឈ្មោះ និងអ្នកនយោបាយជាង១០០នាក់ ត្រូវសម្លាប់នៅម៉ិកស៊ិក។ ឧក្រិដ្ឋកម្មជាបញ្ហាស្នូលនៃការបោះឆ្នោត ខែកក្កដា នៅម៉ិកស៊ិក ដើម្បីជ្រើសរើសប្រធានាធិបតីថ្មី និងមេដឹកនាំសហព័ន្ធតំបន់ និងរដ្ឋជាង១៨០០០រូប ៕
ចែករំលែកព័តមាននេះ