ខេត្តបន្ទាយមានជ័យ ៖ យ៉ាងហោចណាស់អនុភូមិម្នាក់បានស្លាប់ និងមនុស្ស២នាក់ផ្សេងទៀតរបួសធ្ងន់ ស្រាល ដោយសារគ្រោះថ្នាក់ចរាចរណ៍ រវាងរថយន្តកាមរី បានបុកម៉ូតូ នៅលើដងផ្លូវជាតិលេខ៥ នារសៀលថ្ងៃទី២៤…
ខេត្តបន្ទាយមានជ័យ ៖ យ៉ាងហោចណាស់អនុភូមិម្នាក់បានស្លាប់ និងមនុស្ស២នាក់ផ្សេងទៀតរបួសធ្ងន់ ស្រាល ដោយសារគ្រោះថ្នាក់ចរាចរណ៍ រវាងរថយន្តកាមរី បានបុកម៉ូតូ នៅលើដងផ្លូវជាតិលេខ៥ នារសៀលថ្ងៃទី២៤ មិថុនា ២០១៨នេះ នៅភូមិយាងថ្មី ឃុំកូបស្រុកអូរជ្រៅ។ ជនរងគ្រោះនោក្នុង ហេតុការណ៍នោះមាន ១.ឈ្មោះ មាស មុំ ភេទស្រី អាយុ៦៤ឆ្នាំ ជាជំនួយការភូមិ និងមានទីលំនៅក្នុងភូមិកើតហេតុ(ស្លាប់) ២.ឈ្មោះ គឹម សុភា ភេទប្រុស អាយុ៦៤ឆ្នាំ រស់នៅក្នុងភូមិឃុំកើតហេតុ និងជាអ្នកបើកបរម៉ូតូម៉ាកវ៉េវ។
ដោយឡែករថយន្តបង្កបើកបរស្របទិសគ្នា មកពីទិសខាងកើត ដោយឈ្មោះ ដុង ឈាងលី ភេទប្រុស អាយុ៣២ឆ្នាំ រស់នៅភូមិសាមគ្គីមានជ័យ សង្កាត់ និងក្រុងប៉ោយប៉ែត។ ប្រភពពីកន្លែងកើតហេតុបានឲ្យដឹងថា ដំបូងជនរងគ្រោះដែលស្លាប់ និងរបួសធ្ងន់ខាងលើ បើកម៉ូតូដឹកគ្នាមកពីទិសខាងកើត លុះដល់ចំណុចកើតហេតុ ជនរងគ្រោះបង្អង់ប្រុងបត់ឆ្លងផ្លូវ ទៅទិសខាងត្បូង ចូលផ្ទះស្រាប់តែត្រូវរថយន្តបង្កម៉ាកកាមរីពណ៌ស្ករ ចង្កូតឆ្វេង ពាក់ស្លាកលេខ ភ្នំពេញ 2K-9706 ដែលបើកបរស្របទិសពីក្រោយបុកពេញទំហឹង បណ្តាលឲ្យ២នាក់ខាងលើស្លាប់ និងរបួសលើដងផ្លូវជាតិតែម្តង។
នៅក្នុងហេតុការណ៍នេះម៉ូតូជនរងគ្រោះ បានខ្ទាតឆ្លងផ្លូវទៅម្ខាងផ្លូវទៀតបណ្តាលឲ្យម៉ូតូម៉ាក ហុងដាឌ្រីម សេ១២៥ បើកបរបញ្ច្រាស់ទិស ១គ្រឿងដួលរបួសស្រាល(ចំមាត់)បុរសម្នាក់ជាអ្នកភូមិកូបលិចស្រុកអូរជ្រៅមិនស្គាល់អត្តសញ្ញាណ។ ក្រោយពេលកើតហេតុយានយន្តពាក់ព័ន្ធ គឺត្រូវសមត្ថកិច្ចជំនាញនាំយកទៅរក្សាទុកនៅអធិការដ្ឋាន នគរបាលស្រុកអូរជ្រៅដើម្បីចាត់ការបន្ត។ ចំណែកសាកសពត្រូវបានសាច់ញាតិនាំយកទៅលំនៅដ្ឋានដើម្បីធ្វើបុណ្យតាមប្រពៃណី៕
ចែករំលែកព័តមាននេះ