ខេត្តបន្ទាយមានជ័យ ៖ ជនសង្ស័យម្នាក់ក្រោយពីស្រវឹងកញ្ឆាបានទាញកាំបិតផ្គាក់អុកឡុកអ្នកភូមិ ក្រោយមកបែកការណ៍ជាប់ខ្នោះបានសម្រេច ហេតុការណ៍នេះបានកើតឡើងកាលពីរសៀលថ្ងៃទី២៣ ខែមិថុនា ឆ្នាំ២០១៨ ស្ថិតនៅក្នុងភូមិទំនប់ក៥ សង្កាត់និងក្រុងប៉ោយប៉ែត ។…
ខេត្តបន្ទាយមានជ័យ ៖ ជនសង្ស័យម្នាក់ក្រោយពីស្រវឹងកញ្ឆាបានទាញកាំបិតផ្គាក់អុកឡុកអ្នកភូមិ ក្រោយមកបែកការណ៍ជាប់ខ្នោះបានសម្រេច ហេតុការណ៍នេះបានកើតឡើងកាលពីរសៀលថ្ងៃទី២៣ ខែមិថុនា ឆ្នាំ២០១៨ ស្ថិតនៅក្នុងភូមិទំនប់ក៥ សង្កាត់និងក្រុងប៉ោយប៉ែត ។
ជនសង្ស័យខាងលើឈ្មោះ ខៀន សារ៉ន ហៅជុក ភេទប្រុស អាយុ៣២ឆ្នាំ រស់នៅក្នុងភូមិ-ឃុំកើតហេតុខាងលើ។
បើតាមប្រភពនៅកន្លែងកើតហេតុបានឱ្យដឹងថា មុនកើតហេតុគ្មាននរណាម្នាក់ដឹងថា ជនសង្ស័យដាំដុះកញ្ឆាខុសច្បាប់នោះទេ លុះនៅថ្ងៃកើតហេតុជនសង្ស័យស្រវឹងកញ្ឆាទាញកាំបិតផ្គាក់ដើររករឿងជេរប្រមាថគេឯងពេញភូមិ ជាពិសេសវាយកម្ទេចរបស់របរក្នុងផ្ទះ ពេលនោះសមត្ថកិច្ចចម្រុះបានចុះទៅឃាត់ខ្លួនសួរនាំ និងធ្វើការឆែកឆេរក្នុងចំការក្រោយផ្ទះ ដឹងអីប្រទះឃើញសុទ្ធតែកញ្ឆាស្រស់រហូត៣៦ដើមធំៗ និងកាំបិត2ដើមផងដែរ។ ក្រោយមកក៏ឃាត់ខ្លួនជនសង្ស័យមកប្រគល់បន្តឲ្យខាងនគរបាលប៉ុស្តិ៍រដ្ឋបាលសង្កាត់ប៉ោយប៉ែត ជាមួយនឹងវត្ថុតាងដើម្បីចាត់ការបន្ត។
លោកវរសេនីយ៍ឯក ធិន ស៊ិនដេត បានប្រាប់តាមទូរស័ព្ទថា ជនសង្ស័យខាងលើមិនត្រឹមតែលួចដាំកញ្ឆាខុសច្បាប់នោះទេ ថែមទាំងប្រើហិង្សាវាយកម្ទេចរបស់របរក្នុងផ្ទះដូចជា ឆ្នាំង ចាននិងមានកាំបិតផ្គាក់ដើរអុកឡុកអ្នកជិតខាងទៀត លុះពលរដ្ឋផ្តល់ព័ត៌មានទើបខាងលោកសហការជាមួយនគរបាលការពារព្រំដែនគោកលេខ.911 ប៉ុស្តិ៍ព្រៃគប់ និងអាជ្ញាធរភូមិចុះឃាត់ខ្លួនតែម្តង។ ក្រោយធ្វើកំណត់ហេតុជនសង្ស័យ និងវត្ថុតាង បានកសាងសំណុំរឿងបញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ