ខណៈពេលដែលវាជាការណ៍ពិតមួយថា ការយំមិនមែនជាដំណោះស្រាយសម្រាប់បញ្ហាគ្រប់យ៉ាងឡើយ តែវាពិតជាមានឥទ្ធិពលទៅលើអ្នក។ ការផ្លាស់ប្តូរទាំងនេះអាចជួយអ្នកធ្វើឲ្យ អ្វីៗកាន់តែល្អជាងមុនបាន ។ ជាមួយគ្នានេះដែរវាមានអត្ថប្រយោជន៍ សំខាន់ៗបីយ៉ាងដែលអ្នកអាចទទួលបានពីការយំនេះ ។
ការយំភ្ជាប់ការទាក់ទងអ្នកជាមួយនឹងការណ៍ពិតរបស់អ្នក ។ ការយំមិនគ្រាន់តែជាផលិតផលនៃការពិបាកចិត្តឡើយ តែវាពិតជាការបញ្ជាក់មួយនៃបទពិសោធន៍ដែលអ្នកមាន ។ អ្នកអាចមានអារម្មណ៍មួយចំនួនក្នុងខ្លួនដូចជា ការពិបាកចិត្ត ការឈឺចាប់ ឃ្នើសចិត្ត ខឹង ឬឯកា។ ដូច្នេះបើសិនជាអ្នកកំពុងតែធ្វើការងារដើម្បីបដិសេធ ឬមិនខ្វល់អំពីបទពិសោធន៍ខ្លាំងក្លាជាច្រើនដោយមិនដឹងខ្លួននោះ ពេលខ្លះទឹកភ្នែកអាចជួយសម្រួលបញ្ហាជាច្រើនដែលត្រូវការដោះស្រាយ ឬកើតឡើងនៅនឹងមុខដែរ ។ ដូច្នេះការសម្រកទឹកភ្នែកអាចភ្ជាប់រូបអ្នកជាមួយបទពិសោធន៍ជីវិតខ្លួនឯង ជាមួយនឹងខ្លួនពិតរបស់អ្នកបាន ។
ការយំផ្តល់នូវអារម្មណ៍មួយដែលយកចិត្តគេដាក់ចិត្តយើងដែរ នៅពេលអ្នកយំនៅទល់មុខមនុស្សដែលយកចិត្តទុកដាក់ចំពោះអ្នក វាងាយនឹងបន្ទន់អារម្មណ៍ពួកគេមកលើអ្នក ហើយក៏ជួយឲ្យពួកគេយល់ដឹងអំពីបទពិសោធន៍ដែលអ្នកធ្លាប់មាននេះដែរ ។ ពួកគេទំនងជាងាយនឹងមានប្រតិកម្មឆ្លើយតបវិញយ៉ាងមានបំណងច្បាស់លាស់ ហើយក៏អាចផ្តល់ឲ្យអ្នកវិញនូវការគាំទ្រផ្លូវចិត្តផង ។ ប្រតិកម្មមួយនេះអាចពង្រឹងដល់ការទាក់ទងដែលអ្នកមានផងដែរ ។
ការយំនឹងបន្ធូរភាពតានតឹងដែលកំពុងមានក្នុងទ្រូងការយំមិនមែនជាបទពិសោធន៍ល្អពិតប្រាកដមួយឡើយ តែវាអាចជាការបន្ធូរភាពតានតឹងក្នុងអារម្មណ៍ ឬទ្រូងបាន ។ ដូច្នេះក្រោយពីយំរួច អ្នកអាចនឹងមានអារម្មណ៍ធូរស្រាលជាងមុន ហើយរាងកាយប្រហែលជាមិនតឹងតែងដូចមុនឡើយ ។ ការផ្លាស់ប្តូរមួយនេះមិនគ្រាន់តែជាអារម្មណ៍ល្អឡើយ តែវាអាចជួយអ្នករំសាយភាពតានតឹងដែលមានក្នុងចិត្តបានយ៉ាងល្អ ។សរុបសេចក្តីមកការយំអាចចាត់ទុកថាមានប្រយោជន៍ច្រើនចំពោះរាងកាយខ្លួនឯង ប៉ុន្តែវាមិនមែនជាសញ្ញាបញ្ជាក់អំពីភាពទន់ខ្សោយឡើយ។ ដូច្នេះក្រោយពីអ្នកយំបានយ៉ាងល្អមួយ អ្នកនឹងមានអារម្មណ៍ល្អឡើងវិញជាមិនខាន ៕
ស្រង់ពីគេហទំព័រសុខភាព
ចែករំលែកព័តមាននេះ