ប៉ូលិសក្រុងម៉ូស្គូបានឃុំខ្លួនអ្នកគាំទ្រក្រុមជម្រើសជាតិអូស្ត្រាលីម្នាក់ក្រោយពីរូបគេព្យាយាមបង្ហោះដ្រូនលើទីលានក្រហម Red Square ក្នុងក្រុងម៉ូស្គូអំឡុងពេលមានការរឹតបន្តឹងសន្តិ សុខក្នុងរដូវកាល World Cup។ យោងតាមសារព័ត៌មានរដ្ឋរុស្ស៊ី TASS ឱ្យដឹងថា…
ប៉ូលិសក្រុងម៉ូស្គូបានឃុំខ្លួនអ្នកគាំទ្រក្រុមជម្រើសជាតិអូស្ត្រាលីម្នាក់ក្រោយពីរូបគេព្យាយាមបង្ហោះដ្រូនលើទីលានក្រហម Red Square ក្នុងក្រុងម៉ូស្គូអំឡុងពេលមានការរឹតបន្តឹងសន្តិ
សុខក្នុងរដូវកាល World Cup។
យោងតាមសារព័ត៌មានរដ្ឋរុស្ស៊ី TASS ឱ្យដឹងថា ក្រោយពីចាប់ខ្លួនប៉ូលិសបានចោទប្រកាន់អ្នកគាំទ្រម្នាក់នោះពីបទបំពានច្បាប់ដែនអាកាសយោងតាមមាត្រា១១.៤ ។ តាមច្បាប់ អ្នកគាំទ្ររូបនោះត្រូវផាកពិន័យរដ្ឋបាលជាប្រាក់ចំនួន៨០,៦ដុល្លារមុនពេលដោះលែងឱ្យមានសេរីភាពវិញ តែឧបករណ៍ដ្រូនត្រូវបានរឹបអូសទុក ។ ស្របពេលសាមីខ្លួននិយាយថា រូបគេមកកាន់រុស្ស៊ីដើម្បីទស្សនាព្រឹត្តិការណ៍ FIFA World Cup ២០១៨ និងថតយករូបភាពល្អៗដែលមានក្នុងក្រុងតែ
ប៉ុណ្ណោះ ។
គួរបញ្ជាក់ថា ក្រសួងដឹកជញ្ជូនរុស្ស៊ីបានហាមឃាត់ការបង្ហោះដ្រូនលើក្រុងម៉ូស្គូ តាំងពីថ្ងៃទី៩ មីនា ២០១៦ ហើយក្រសួងក៏បានដំឡើងស្លាកសញ្ញាហាមឃាត់ការហោះហើរនៅលើទីលានក្រហម Red Square ផងដែរ ៕
ចែករំលែកព័តមាននេះ