លើករណីគ្រោះថ្នាក់សម្តេចក្រុមព្រះនិងអ្នកម្នាង… ស្តាប់ជនបង្កសារភាព
- ភ្នំពេញ
រាជធានីភ្នំពេញ ៖ បើតាមលោកនាយឧត្តមសេនីយ៍ ហ៊ឹម យ៉ាន បានឱ្យដឹងនៅក្នុងសន្និសីទសារព័ត៌មាន នាព្រឹកថ្ងៃទី២១ មិថុនា នេះថា ខាងរថយន្តបង្ក…
រាជធានីភ្នំពេញ ៖ បើតាមលោកនាយឧត្តមសេនីយ៍ ហ៊ឹម យ៉ាន បានឱ្យដឹងនៅក្នុងសន្និសីទសារព័ត៌មាន នាព្រឹកថ្ងៃទី២១ មិថុនា នេះថា ខាងរថយន្តបង្ក គឺបានដាក់មនុស្សលើសចំណុះ និងបើកលឿនហួសកំណត់ ក៏ងាកមកស្តាំទៅឆ្វេង ទើបទៅប៉ះជាមួយរថយន្តសម្តេចក្រុមព្រះតែម្តង ។ លោកបន្តថា ជនបង្កបានសារភាពទៀតថា រូបគេបានបើកបរក្នុងល្បឿន១០០Kh/h ដើម្បីចំណេញពេលវេលា ។
បើតាមនគរបាលជាតិ ជនបង្កបានប្រព្រឹត្តល្មើសផ្ទុយច្បាប់ចរាចរណ៍លើមាត្រា៨៣ និង៨៥ ។ ករណីគ្រោះថ្នាក់ចរាចរណ៍ ទៅលើសម្តេចក្រុមព្រះ ពិតជាគ្រោះថ្នាក់ចរាចរណ៍ពិតមែន ដោយជនបង្កឈ្មោះម៉ិល សារ៉េត បានបើកបរក្នុងល្បឿនលឿន ដោយបំពាននឹងច្បាប់ចរាចរណ៍ ។ នគរបាលជាតិបដិសេធរាល់ព័ត៌មានទាំងឡាយណា ដែលផ្ទុយពីការស៊ើបអង្កេត ដែលថាមានចេតនាគិតទុកជាមុន ក្នុងការប៉ុនប៉ងបុករថយន្តសម្តេចក្រុមព្រះ ។
គួរបញ្ជាក់ថា ដូចតាមការគ្រោងទុក នៅវេលាម៉ោង៩ព្រឹកថ្ងៃនេះ លោកនាយឧត្តមសេនីយ៍ ហ៊ីម យ៉ានអគ្គស្នងការរងនគរបាលជាតិទទួលបន្ទុកចរាចរណ៍សាធារណៈ បានធ្វើសន្និសីទសារព័ត៌មានបង្ហាញផ្លូវការអំពីគ្រោះថ្នាក់ចរាចរណ៍ក្នុងករណីសម្តេចក្រុមព្រះនិងអ្នកម្នាងអ៊ុក ផល្លា កាលពីថ្ងៃទី១៦ មិថុនា កន្លងមក នៅស្រុកព្រៃនប់ ខេត្តព្រះសីហនុ ។
លោក នាយឧត្តមសេនីយ៍ ហ៊ឹម យ៉ានបានលើកឡើងថា គ្រោះថ្នាក់ចរាចរណ៍ករណីរថយន្តប៉ះទៅលើរថយន្តសម្តេចក្រុមព្រះ បណ្តាលឱ្យទ្រង់ រងរបួសធ្ងន់និងអ្នកម្នាងអ៊ុក ផល្លា ត្រូវបានទទួលមរណភាព ។ លោកថា រថយន្តមួយគ្រឿងបានបើកលឿនមកប៉ះនឹងព្រះទីនាំងសម្តេចក្រុមព្រះ ក្នុងទិសដៅផ្ទុយគ្នាបណ្តាលឲ្យអ្នកម្នាងស្លាប់ និងសម្តេចក្រុមព្រះរបួសធ្ងន់ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ