សារព័ត៌មានបរទេសកាលពីថ្ងៃទី១៩ មិថុនា២០១៨ផ្សាយថា មហាសេដ្ឋីជនជាតិនូវែលសេឡង់ម្នាក់បានសុំគូស្នេហ៍រៀបការដោយជិះឧទ្ធម្ភាគចកទៅចុះចតនៅទីលានប្រកួតបាល់ទាត់ និងផ្ដល់កាដូរថយន្ត «Range Rover» មួយគ្រឿងមានតម្លៃខ្ពស់ ហើយរូបគេបានលុតជង្គង់ប្រគល់ចិញ្ចៀនពេជ្រជូនគូស្នេហ៍ ។
ប្រវត្តិរបស់គូស្នេហ៍នោះ គឺពួកគេបានសេពគប់គ្នាអស់រយៈពេលជាយូរហើយ ក្រោយមកចង់បង្កើតជាក្រុមគ្រួសារ ទើបបង្កើតព្រឹត្តិការណ៍ដ៏ភ្ញាក់ផ្អើលនេះដោយសុំគូស្នេហ៍រៀបការ ។ ដោយសារតែគេជាមនុស្សម្នាក់មានទ្រព្យស្ដុកស្ដម ទើបយកឧទ្ធម្ភាគចក្រសុំគូស្នេហ៍រៀបការ ។ ខាងប្រុសបានសុំបិទទីលានប្រកួតបាល់ទាត់ នាំគូស្នេហ៍ទាំងបិទភ្នែកឡើងជិះឧទ្ធម្ភាគចក្រ រួចចុះលើទីលានប្រកួត រួមទាំងដឹកដៃគូស្នហ៍ទៅរកប្រអប់កាដូដ៏ធំមួយ ។
ពេលបើកភ្នែកខាងស្រីឃើញប្រអប់កាដូធំមួយ គឺជារថយន្ត«Range Rover» តម្លៃជាច្រើនមុឺនដុល្លារ រួមទាំងមានពាក្យមួយឃ្លាសរសេរថា «សុំរៀបការ» ។ ខាងប្រុសបានលុតជង្គង់ប្រគល់ចិញ្ចៀនពេជ្រយ៉ាងធំដល់គូស្នេហ៍នាងក៏យល់ព្រម ៕
ចែករំលែកព័តមាននេះ