ខេត្តប៉ៃលិន ៖ រហូតមកដល់ពេលនេះប្រជាពលរដ្ឋជាច្រើននាក់ រស់នៅក្នុងក្រុងប៉ៃលិនមានការព្រួយបារម្ភពីការបាត់បង់ព្រៃជើងភ្នំខៀវ ដែលត្រូវបានប្រជាពលរដ្ឋមានដីនៅក្បែរនោះកាប់ទន្ទ្រាន១ថ្ងៃបន្តិចៗ រហូតដល់កន្លែងខ្លះជិតដល់កំពូលភ្នំទៅហើយ ។ អ្នកខ្លះរំពឹងទុកថា ប្រហែលជា១០ទៅ២០ឆ្នាំទៀត ព្រៃតំបន់អភិរក្សនៅលើកំពូលភ្នំខៀវនឹងត្រូវរងការកាប់បំផ្លាញអស់…
ខេត្តប៉ៃលិន ៖ រហូតមកដល់ពេលនេះប្រជាពលរដ្ឋជាច្រើននាក់ រស់នៅក្នុងក្រុងប៉ៃលិនមានការព្រួយបារម្ភពីការបាត់បង់ព្រៃជើងភ្នំខៀវ ដែលត្រូវបានប្រជាពលរដ្ឋមានដីនៅក្បែរនោះកាប់ទន្ទ្រាន១ថ្ងៃបន្តិចៗ រហូតដល់កន្លែងខ្លះជិតដល់កំពូលភ្នំទៅហើយ ។ អ្នកខ្លះរំពឹងទុកថា ប្រហែលជា១០ទៅ២០ឆ្នាំទៀត ព្រៃតំបន់អភិរក្សនៅលើកំពូលភ្នំខៀវនឹងត្រូវរងការកាប់បំផ្លាញអស់ បើសិនជានៅតែបណ្តែតបណ្តោយឱ្យប្រជាពលរដ្ឋកាប់ដុតព្រៃយកដីដាំដំណាំបែបនេះ ។
ប្រភពព័ត៌មានបានឱ្យដឹងថា បើគេសង្កេតមើលទៅជើងភ្នំខៀវបច្ចុប្បន្ន ឃើញគេលួចរានកាប់ឆ្ការស្រឡះ រួចគេនាំគ្នាដាំចេក ដំឡូង និងដំណាំផ្សេងៗជាច្រើនទៀត ដែលជាហេតុធ្វើឱ្យព្រៃតំបន់អភិរក្សជើងភ្នំខៀវដែលធ្លាប់តែស្រឡះល្អ បែរទៅជាត្រងិលទៅវិញ ។
ប្រភពបន្តទៀតថា បើសិនជាអាជ្ញាធរ និងមន្ទីរពាក់ព័ន្ធមិនយកចិត្តទុកដាក់ការពារព្រៃឈើទាំងអស់ខាង លើទេ មិនយូរប៉ុន្មានអាចក្លាយជាដីកម្មសិទ្ធិរបស់ប្រជាពលរដ្ឋរស់នៅក្បែរជើងភ្នំជាក់ជាមិនខានឡើយ ។
ពាក់ព័ន្ធទៅនឹងបញ្ហានេះលោកគឹម សុខាប្រធានមន្ទីរបរិស្ថានខេត្តប៉ៃលិនធ្លាប់ឱ្យដឹងថា ខាងលោកតែងតែចាត់កម្លាំងមន្ត្រីឱ្យដើរល្បាតការពារកុំឱ្យប្រជាពលរដ្ឋបន្តលួចកាប់ឆ្ការព្រៃតំបន់អភិរក្សភ្នំខៀវថែមទៀ ត ។ លោកបន្តទៀតថា អ្នកដែលលួចកាប់ព្រៃខាងលោកនឹងធ្វើលិខិតកោះហៅមកសួរនាំ និងធ្វើកិច្ចសន្យា មិនឱ្យបន្តកាប់បែបនេះទៀត ហើយជួនកាលទៀត ពួកគេទាំងនោះលួចកាប់ឆ្ការពេលដែលមន្ត្រីបរិស្ថានមិននៅ លុះពេលទៅដល់នាំគ្នារត់គេចខ្លួនអស់រលីង ។
ចំណែកឯកឧត្តមផាន់ ចាន់ធុល អភិបាលខេត្តប៉ៃលិនដែលទើបនឹងឡើងកាន់តំណែងថ្មី ធ្លាប់លើកឡើង កាលពីពេលថ្មីៗនេះថា ព្រៃភ្នំទាំងអស់មិនអនុញ្ញាតឱ្យប្រជាពលរដ្ឋណាម្នាក់កាប់ឆ្ការយកដីធ្វើជាកម្មសិទ្ធិនោះឡើយ ។ ហើយបើសិនជាពលរដ្ឋនៅតែបន្តបែបនេះទៀតនៅថ្ងៃខាងមុខ អាកាសធាតុស្រុកយើងនឹងប្រែប្រួលដោយពេលខ្លះរាំងស្ងួតហួតហែងច្រើន ពេលខ្លះទៀតភ្លៀងខ្លាំងហួសពីធម្មតា ដោយសារតែគ្មានព្រៃឈើជួយឱ្យមានលំនឹងអាកាសធាតុ ៕
ចែករំលែកព័តមាននេះ