ខេត្តព្រះសីហនុ ៖ តាមរបាយការណ៍សមត្ថកិច្ចជាបឋមថា នៅវេលាម៉ោង៤ និង១០នាទីល្ងាច ថ្ងៃទី១៧ ខែមិថុនា ឆ្នាំ២០១៨នេះ មានករណីគ្រោះថ្នាក់ចរាចរណ៍មួយកើតឡើងលើផ្លូវជាតិលេខ៤ ត្រង់ចំណុចបង្គោលគីឡូម៉ែតលេខ១៤១…
ខេត្តព្រះសីហនុ ៖ តាមរបាយការណ៍សមត្ថកិច្ចជាបឋមថា នៅវេលាម៉ោង៤ និង១០នាទីល្ងាច ថ្ងៃទី១៧ ខែមិថុនា ឆ្នាំ២០១៨នេះ មានករណីគ្រោះថ្នាក់ចរាចរណ៍មួយកើតឡើងលើផ្លូវជាតិលេខ៤ ត្រង់ចំណុចបង្គោលគីឡូម៉ែតលេខ១៤១ ស្ថិតក្នុងភូមិ/ឃុំចម្ការហ្លួង ស្រុកកំពង់សិលា ខេត្តព្រះសីហនុ។ ហេតុការណ៍នេះបង្កឡើងរវាងរថយន្ត៤គ្រឿង បុកប៉ះបន្តកន្ទុយគ្នា បន្តទៅបុកតូបលក់ដូរ នៅលើចិញ្ចើមផ្លូវគ្រោះក្រហម ខេ្ទចទាំងស្រុង និងបុកជាប់នឹងផ្ទះលក់ខូចខាតមួយចំនួន។
ក្នុងហេតុការណ៍នេះបង្កឲ្យរងរបួសធ្ងន់ស្រាលចំនួន០៤នាក់ ក្នុងនោះស្រី០៣នាក់៕ ចំពោះមុខ កម្លាំងកងរាជអាវុធហត្ថ ស្នាក់ការសន្តិសុខ៤០២ នៅការពារកនែ្លងកើតហេតុ ជួយសម្រួលណ្តាប់ធ្នាប់ចរាចរណ៍មិនឲ្យមានការកកស្ទះឡើយ។ អ្នករងរបួសធ្ងន់ស្រាល ត្រូវបានកម្លាំង កងរាជអាវុធហត្ថស្នាក់ការសន្តិសុខ៤០២ សហការជាមួយកម្លាំងអធិការដ្ឋាននគរបាលស្រុកកំពង់សិលា ធ្វើការជួយនឹងសង្គ្រោះលើកអ្នករបួសដាក់លើរថយន្តយកទៅមន្ទីរពេទ្យបង្អែកស្រុកស្រែអំបិល៕
ចែករំលែកព័តមាននេះ