ខេត្តបន្ទាយមានជ័យ ៖ ជនសង្ស័យវ័យក្មេង និងដៃជើងល្អៗមួយក្រុមត្រូវនគរបាលជំនាញផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបង្ក្រាបពេលកំពុងប្រមូលផ្តុំគ្នា សេពគ្រឿងញៀនមួយកន្លែង ក្នុងភូមិបាលិលេយ្យ២ សង្កាត់ និងក្រុងប៉ោយប៉ែត កាលពីរសៀលថ្ងៃទី១៦ មិថុនា…
ខេត្តបន្ទាយមានជ័យ ៖ ជនសង្ស័យវ័យក្មេង និងដៃជើងល្អៗមួយក្រុមត្រូវនគរបាលជំនាញផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបង្ក្រាបពេលកំពុងប្រមូលផ្តុំគ្នា សេពគ្រឿងញៀនមួយកន្លែង ក្នុងភូមិបាលិលេយ្យ២ សង្កាត់ និងក្រុងប៉ោយប៉ែត កាលពីរសៀលថ្ងៃទី១៦ មិថុនា ២០១៨ ។
ជនសង្ស័យទាំង៧នាក់ រួមមានទី១- ឈ្មោះ មាស ចយ ភេទប្រុស អាយុ៣២ឆ្នាំ ទី២- ឈ្មោះ រ៉ន កក្កដា ភេទប្រុស អាយុ២៥ឆ្នាំ ទី៣- ឈ្មោះ រឿន ផារ៉ូ ភេទប្រុស អាយុ១៧ឆ្នាំ ទី៤- ឈ្មោះសុខ ម៉េងហ័រ ភេទប្រុស អាយុ៣៣ឆ្នាំ ទី៥- ឈ្មោះ ពេជ្រ សីឡា ភេទប្រុស អាយុ១៧ឆ្នាំ ទី៦- ឈ្មោះ ឃិន ចំរើន ភេទប្រុស អាយុ៣០ឆ្នាំនិងទី៧- ឈ្មោះ ម៉ក់ វិរៈ ភេទប្រុស អាយុ២៥ឆ្នាំ ។
ជនសង្ស័យទាំង៧នាក់ខាងលើត្រូវសមត្ថកិច្ចប្រាប់ថា ជាអ្នករស់នៅក្នុងក្រុងប៉ោយប៉ែត ។ ក្នុងពេលបង្ក្រាបសមត្ថកិច្ចរកឃើញវត្ថុតាងជាឧបករណ៍សេពមួយចំនួនផងដែរ ។
លោកវរសេនីយ៍ឯកធិន ស៊ិនដេត អធិការនគរបាលក្រុងប៉ោយប៉ែតប្រាប់កោះសន្តិភាពថាករណីបង្ក្រាបជនសង្ស័យខាងលើ គឺធ្វើឡើងតាមសេចក្តីរាយការណ៍ពីពលរដ្ឋ ខណៈឃើញពួកគេប្រមូលផ្តុំគ្នានៅទីតាំងមួយ សង្ស័យសេពគ្រឿងញៀន ។ លោកអធិការបន្តថា ជនសង្ស័យ និងវត្ថុតាងក្រោយធ្វើកំណត់ហេតុរួច និងកសាងសំណុំរឿងបញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ