បន្ទាយមានជ័យ ៖ សិស្សានុសិស្សជិត600នាក់នៃសាលាបឋមសិក្សាបាលិលេយ្យ ស្ថិតក្នុងភូមិក្បាលស្ពាន2 សង្កាត់-ក្រុងប៉ោយប៉ែត ដែលតែងតែជួបកាលំបាកព្រោះសាលាលិចទឹករាល់រដូវវស្សា និងទទួលបានសាលាថ្មីសង់ពីថ្មនាពេលខាងមុខជាចំណងដៃរបស់សប្បុរសជនក្រោមកាផ្តួចផ្តើម និងជួយឧបត្ថម្ភពីលោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោក សាន ស៊ានហូ អភិបាលនៃគណៈអភិបាលក្រុងប៉ោយប៉ែត ។
សាលារៀនបណ្តោះអាសន្នពេលនេះគេឃើញចាប់ផ្តើមសាងសង់ហើយធ្វើពីដែកគម្រោងប្រក់ស័ង្កសី ស្ថិតក្នុងបរិវេណវត្តបាលិលេយ្យដូចគ្នាតែម្ខាងផ្លូវម្នាក់ ។ សាលាបណ្តោះអាសន្ននេះគឺត្រៀមឲ្យសិស្សចូលរៀនមួយរយៈខ្លីស្របពេលដែលសាលាចាស់ត្រូវរុះរើសាងសង់ជាសាលាថ្មីធ្វើពីថ្ម និងមានកំពស់2ជាន់នាពេលឆាប់ៗខាងមុខនេះ ។
លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែតប្រាប់ កោះសន្តិភាព តាមទូរស័ព្ទថា ដោយមើលឃើញពីទុក្ខលំបាករបស់សិស្ស និងលោកគ្រូអ្នកគ្រូលោកឧបនាយករដ្ឋមន្ត្រី កែ គឹមយ៉ាន ប្រធានក្រុមការងារថ្នាក់ជាតិចុះជួយខេត្តបន្ទាយមានជ័យក៏បានផ្តួចផ្តើមគំនិត និងចូលរួមថវិការក្នុងនោះឲ្យលោកអំនាវសប្បុរសជនឲ្យជួយដើម្បីធ្វើយ៉ាងណាសាងសង់សាលាមួយនេះឡើង ។
លោកបន្តថា សាលាខាងលើ និងសាងសង់ពីថ្មមាន5បន្ទប់ កំពស់2ជាន់ ស្មើ10បន្ទប់ ក្នុងទំហំទឹកប្រាក់13ម៉ឺនដុល្លារអាមេរិក និងបញ្ចុះបឋមសិលាសាងសង់នៅថ្ងៃទី2 ខែកក្កដា ឆ្នាំ2018 ខាងមុខនេះក្រោមអធិបតីភាពលោកឧបនាយករដ្ឋមន្ត្រី កែ គឹមយ៉ាន ។ លោកបញ្ជាក់ថា ក្រៅពីសាលាបឋមសិក្សាបាលិលេយ្យក៏នឹងសាងសង់សាលារៀនថ្មីមួយកន្លែងទៀតដើម្បីបំពេញតាមតម្រូវការខ្វះខាតរបស់ពលរដ្ឋនៅភូមិអូរឬស្សីលើ សង្កាត់ផ្សារកណ្តាល ដែលសាលានេះសាង់សង់ពីថ្មដូចគ្នា1ខ្នង ស្មើនឹង6បន្ទប់ ដែលជាថវិការរបស់លោក គាត ហ៊ុល ចៅសង្កាត់ផ្សារកណ្តាល និងសប្បុរសជនតាមគំនិតផ្តួចផ្តើមពីលោកឧបនាយករដ្ឋមន្ត្រី កែ គឹមយ៉ាន ដូចគ្នា ៕
ចែករំលែកព័តមាននេះ