សេដ្ឋវិទូព្យាករពីការលូតលាស់ GDP ដ៏មានលំនឹងនៅឆ្នាំនេះ
ទីក្រុងប៉េកាំង ៖ លោក Cheng Shi សេដ្ឋវិទូមួយរូបមកពី ICBC International បានឲ្យដឹងថា សេដ្ឋកិច្ចប្រទេសចិននឹងបន្តលូតលាស់យ៉ាងមានលំនឹងនៅឆ្នាំ២០១៨នេះ…
ទីក្រុងប៉េកាំង ៖ លោក Cheng Shi សេដ្ឋវិទូមួយរូបមកពី ICBC International បានឲ្យដឹងថា សេដ្ឋកិច្ចប្រទេសចិននឹងបន្តលូតលាស់យ៉ាងមានលំនឹងនៅឆ្នាំ២០១៨នេះ ព្រោះតែការធ្វើកំណែទម្រង់រចនាសម្ព័ន្ធ ។
លោកបានព្យាករថា ផលិតផលក្នុងស្រុកសរុប (GDP) របស់ប្រទេសចិន នឹងលូតលាស់បានក្នុងអត្រា៦,៩% បើធៀបនឹងឆ្នាំមុន ។ លោក Cheng និយាយថា ៖« ពួកយើងបន្តជឿជាក់ដោយប្រុងប្រយ័ត្នលើអនាគតសេដ្ឋកិច្ចប្រទេសចិន ហើយផ្នែកដែលពាក់ព័ន្ធនឹងសេដ្ឋកិច្ចថ្មី និងការផ្លាស់ប្តូរការចំណាយ នឹងបង្កើតឱកាសដល់ការវិនិយោគថ្មីៗផងដែរ » ។
គេគិតថា ការលក់រាយក្នុងប្រទេសចិននឹងកើនឡើង១០,៣% ខណៈការនាំចូលនឹងកើនឡើង២០,៥%ផងដែរ ។ រីឯអត្រាអតិផរណានឹងបន្តស្ថិតក្នុងកម្រិតអាចគ្រប់គ្រងបាន ដោយមានសន្ទស្សន៍តម្លៃអតិថិជនកើនឡើង២,៤% ។ លោក Cheng បន្ថែមទៀតថា ៖« ការធ្វើកំណែទម្រង់រចនាសម្ព័ន្ធការផ្គត់ផ្គង់បានដំណើរការយ៉ាងរលូន និងជួយជំរុញដល់ភាពរឹងមាំផ្នែកសេដ្ឋកិច្ចថ្មីរបស់ប្រទេសនេះ » ។
គោលនយោបាយកែទម្រង់បានធ្វើឲ្យសេដ្ឋកិច្ចចិនចាប់ផ្តើមលូតលាស់យ៉ាងល្អនៅឆ្នាំ២០១៨នេះ ដោយមានប្រាក់ចំណូលក្រុមហ៊ុនល្អប្រសើរឡើង ខណៈការវិនិយោគឯកជនកើនឡើង ។ ហានិភ័យផ្នែកហិរញ្ញវត្ថុ ក៏បានស្ងប់ស្ងាត់វិញផងដែរ ។ លោក Cheng បានបញ្ជាក់ទៀតថា ក្រុមហ៊ុនបច្ចេកវិទ្យាលូតលាស់យ៉ាងខ្លាំង ដោយសារការបង្កើតថ្មីនៅក្នុងទីផ្សារសំខាន់ៗបានជំរុញដល់ផ្នែកនេះ ៕
ចែករំលែកព័តមាននេះ