ប្រភពពីកាសែតថៃកាលពីថ្ងៃទី១៤ មិថុនា បានផ្សាយថា ប៉ូលិសថៃនៅស្រុកអារញ្ញទទួលដំណឹងថា មានករណីជួញដូរគ្រឿងញៀនមួយនៅឃុំប៉ារ៉ៃ ស្រុកអារញ្ញប្រទេសរួចមក ប៉ូលិសក៏នាំកម្លាំងចុះទៅដល់ចំណុចខាងលើ ក៏ប្រទះឃើញបុរសជនជាតិកម្ពុជាម្នាក់កំពុងដើរនៅលើផ្លូវ ហើយក៏ត្រូវបានឃាត់ខ្លួន ដោយហេតុការណ៍នេះបានកើតឡើងនៅចំណុចឃុំប៉ាវ៉ៃ…
ប្រភពពីកាសែតថៃកាលពីថ្ងៃទី១៤ មិថុនា បានផ្សាយថា ប៉ូលិសថៃនៅស្រុកអារញ្ញទទួលដំណឹងថា មានករណីជួញដូរគ្រឿងញៀនមួយនៅឃុំប៉ារ៉ៃ ស្រុកអារញ្ញប្រទេសរួចមក ប៉ូលិសក៏នាំកម្លាំងចុះទៅដល់ចំណុចខាងលើ ក៏ប្រទះឃើញបុរសជនជាតិកម្ពុជាម្នាក់កំពុងដើរនៅលើផ្លូវ ហើយក៏ត្រូវបានឃាត់ខ្លួន ដោយហេតុការណ៍នេះបានកើតឡើងនៅចំណុចឃុំប៉ាវ៉ៃ ស្រុកអារញ្ញប្រទេស ខេត្តស្រះកែវ ប្រទេសថៃ ។
តាមការសួរនាំទៅលើបុរសដែលឃាត់ខ្លួននោះ បានឱ្យដឹងថា គាត់មានឈ្មោះសេង ង៉ែត អាយុ១៨ឆ្នាំ ជាអ្នកស្រុកនៅខេត្តកណ្តាល ប្រទេសកម្ពុជា ។ ក្រោយពីពិនិត្យទឹកនោម ក៏ឃើញមានពណ៌ស្វាយដែលជាសារធាតុថ្នាំញៀននៅក្នុងខ្លួន និងរកឃើញថា គ្មានលិខិតឆ្លងដែនទៀត ។
ជនឈ្មោះ សេង ង៉ែត បានសារភាពទៀតថា ខ្លួនបានទិញថ្នាំញៀនពីជនជាតិកម្ពុជាម្នាក់ទៀតនៅក្នុងបន្ទប់ជួលមួយ ខាងក្រោយផ្សារទំនើប «ប៊ិកស៊ី» ។ ស្របពេលជាមួយគ្នានេះ កម្លាំងប៉ូលិសក៏បានសាកសួរបណ្តាញដែលលក់និងប្រើប្រាស់គ្រឿងញៀនបន្ត ក៏ឃើញជនជាតិកម្ពុជាចំនួន៧នាក់ជាអ្នកលក់និងអ្នកប្រើ ។ តាមការរុករកនៅក្នុងបន្ទប់ជួលរបស់ពួកគេ ក៏បានឃើញគ្រឿងញៀន និងឧបករណ៍ប្រើប្រាស់យ៉ាងច្រើន ។
បច្ចុប្បន្ន ពួកគេបានបញ្ជូនខ្លួនទៅប៉ូលិសនៅច្រកចេញ-ចូល «ខ្លឹងលឹក» ឬ«អូរជ្រៅ» ដើម្បីដំណើរការតាមផ្លូវច្បាប់បន្ត ។
ចែករំលែកព័តមាននេះ