ខេត្តប៉ៃលិន ៖ ប្រជាពលរដ្ឋជាច្រើននាក់ មិនហ៊ានសម្រាកនៅក្នុងផ្ទះរបស់ខ្លួន ខណ:ឃើញខ្សែកាបអុីនធើរណេត ត្រូវរថយន្តធំៗខ្ពស់ទាក់ដាច់ រួចប៉ះទៅនឹងខ្សែកាបអគ្គិសនី បណ្តាលទុស្សេឆេះលាន់ឮកក្រើកចេញជាអណ្តាតភ្លើង បង្កការភ្ញាក់ផ្អើលដល់ប្រជាពលរដ្ឋទាំងយប់ រហូតដល់ព្រឹកឡើងក៏នៅតែបន្តទាក់ប៉ះខ្សែកាបអគ្គិសនីឆេះទៀត…
ខេត្តប៉ៃលិន ៖ ប្រជាពលរដ្ឋជាច្រើននាក់ មិនហ៊ានសម្រាកនៅក្នុងផ្ទះរបស់ខ្លួន ខណ:ឃើញខ្សែកាបអុីនធើរណេត ត្រូវរថយន្តធំៗខ្ពស់ទាក់ដាច់ រួចប៉ះទៅនឹងខ្សែកាបអគ្គិសនី បណ្តាលទុស្សេឆេះលាន់ឮកក្រើកចេញជាអណ្តាតភ្លើង បង្កការភ្ញាក់ផ្អើលដល់ប្រជាពលរដ្ឋទាំងយប់ រហូតដល់ព្រឹកឡើងក៏នៅតែបន្តទាក់ប៉ះខ្សែកាបអគ្គិសនីឆេះទៀត ។
ហេតុការណ៍នេះ បានកើតឡើងកាលពីវេលាម៉ោង០៩ និង០៥នាទីយប់ថ្ងៃទី១៣ មិថុនា ស្ថិតតាមបណ្តោយផ្លូវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ រហូតដល់ម៉ោង៩ និង៣០នាទីព្រឹកថ្ងៃទី១៤ មិថុនា នេះ ក៏នៅតែបន្តឆេះរហូតដល់ប្រជាពលរដ្ឋទូរស័ព្ទទៅខាងមន្ទីរប្រៃសណីយ៍ និងទូរគមនាគមន៍ ឱ្យចុះទៅអន្តរាគមន៍កាតខ្សែទាំងនោះចោលតែម្តង ។ប្រភពពីប្រជាពលរដ្ឋរស់នៅក្នុងភូមិផ្សារព្រំបានឱ្យដឹងថា មុនដំបូងមានរថយន្តកុងតឺន័រ១គ្រឿង បានបើកបរដឹកទំនិញ ក្នុងទិសដៅពីលិចទៅកើត ស្រាប់តែដល់កន្លែងខ្សែកាបអ៊ិនធើណេតរបស់ក្រុមហ៊ុ នមិត្តហ្វូនដែលពង្រាយខ្សែទទឹង ក៏ទាក់ដាច់ខ្សែកាបនោះវាត់ទៅប៉ះចំខ្សែភ្លើងអគ្គិសនី បណ្តាលឱ្យទុស្សេចេ ញជាផ្កាភ្លើងឆេះយ៉ាងសន្ធោរសន្ធៅ រហូតដល់អ្នកភូមិចេញមកបាញ់ទឹកពន្លត់តែម្តង ។
ប្រភពបន្តទៀតថា ពេលនោះ ប្រជាពលរដ្ឋដែលរស់នៅក្បែរកន្លែងកើតហេតុ នាំគ្នាដេកមិនលក់នោះឡើយ រហូតដល់ភ្លឺស្រាប់តែខ្សែកាបដដែលនេះ បានឆេះម្តងទៀត នាំគ្នាចេញទៅពន្លត់ព្រោងព្រាត បណ្តាលឱ្យស្ទះចរាចរណ៍ផងដែរ ។បុរសម្នាក់ ឈ្មោះ ជា វណ្ណដន អាយុ៣៤ឆ្នាំ ប្រពន្ធ ឈ្មោះ អឿ សៀន បានរៀបរាប់ឱ្យដឹងថា គាត់ជួ លផ្ទះគេស្នាក់នៅពីក្រោមខ្សែភ្លើងដែលឆេះនេះ ដោយមុនដំបូងវេលាម៉ោង៩និង០៥នាទីយប់ ស្រាប់តែឮសម្លេងផ្ទុះយ៉ាងខ្លាំងលាន់ដូចគេបាញ់គ្រាប់ផ្លោង ពេលនោះក៏ស្ទុះចេញមកមើលខាងក្រៅ ស្រាប់តែឃើញខ្សែកា បរបស់ក្រុមហ៊ុនទូរស័ព្ទដៃមិត្តហ្វូនឆេះ ក៏ស្រែកប្រាប់ឱ្យអ្នកជិតខាងមកជួយពន្លត់ ។
ប្រភពបន្តទៀតថា ពេល នោះរូបគេមិនហ៊ានដេកសម្រាកនៅក្នុងផ្ទះទេ ដោយនាំប្របន្ធកូនទៅសម្រាកនៅផ្ទះបងប្អូនក្បែរៗនោះតែម្តង ។ គាត់បញ្ជាក់ទៀតថា មានការព្រួយបារម្ភយ៉ាងខ្លាំងពីសុវត្ថិភាព ខណ:មានការទុស្សេឆេះ១ថ្ងៃ២ទៅ៣ដង ហើយពួកគាត់បានទូរស័ព្ទហៅក្រុមហ៊ុនឱ្យមកមើលដែរ គេថាចាំបន្តិចទៀតៗ រហូតមកដល់ពេលនេះទៅហើ យមិនទាន់ឃើញមាននរណាម្នាក់ចេញមកដោះស្រាយនោះទេ រហូតដល់ពួកគេបានទាក់ទៅទៅខាងមន្ទីរប្រៃ សណីយ៍ឱ្យមកកាត់ខ្សែកាបចេញតែម្តង ។
ប្រជាពលរដ្ឋផ្សេងៗទៀត ធ្វើការរិះគន់ថា ខ្សែកាប និងខ្សែភ្លើងនៅត្រង់ចំណុចខាងលើ ត្រូវបានគេ តភ្ជាប់រញ៉េរញ៉ៃ ហើយពេលទុស្សេម្តងៗ ធ្វើឱ្យឆេះពីលើដំបូលផ្ទះ ដែលងាយស្រួលអាចនឹងឆាបឆេះដល់ក្នុង ផ្ទះប្រជាពលរដ្ឋជាក់ជាមិខាន ។ ម្យ៉ាងវិញទៀត គេមិនធ្លាប់ឃើញមានខាងអាជ្ញាធរចុះណែនាំដល់ម្ចាស់ក្រុម ហ៊ុនឱ្យរៀបចំខ្សែភ្លើង និងខ្សែកាបឱ្យបានត្រឹមត្រូវនោះឡើយ ។ ពាក់ព័ន្ធទៅនឹងបញ្ហានេះ ភ្នាក់ងារយើងមិនអាចទាក់ទងទៅលោកស្រី កើត សុធាម ប្រធានមន្ទីរប្រៃសណីយ៍ និងទូរគមនាគម៍បំភ្លឺបានទេ ដោយសារទូរស័ព្ទខលអត់ចូល ។
ចែករំលែកព័តមាននេះ